வானிலை: சென்னையில் நாளை(நவ.23) கனமழைக்கு வாய்ப்பு! பஹ்ரைனில் உள்ள அமெரிக்க தளவாடங்கள் மீது ஈரான் தாக்குதல்! கொளத்தூர் சட்டப்பேரவைத் தொகுதி காலியானதாக அறிவிப்பு! விளம்பர வெறியால் டெல்டாவில் கருகும் பயிர்கள்: உதயநிதி குற்றச்சாட்டு!என்னை அதிமுக தொண்டர்களில் ஒருவர் என்று சொன்ன இபிஎஸ்ஸுக்கு நன்றி: எஸ்.பி. வேலுமணிரயிலில் பெண் சடலம் மீட்பு: 7 நாள்களுக்குள் அறிக்கை சமர்ப்பிக்க டிஜிபிக்கு மகளிர் ஆணையம் உத்தரவு

முதல் ஆசிய வீரர்... விக்கெட் கீப்பர் பேட்டராக ரிஷப் பந்த் புதிய வரலாறு!

இந்திய விக்கெட் கீப்பர் பேட்டர் ரிஷப் பந்த் நிகழ்த்திய ஆசிய சாதனை குறித்து...

Photos of Rishabh Pant released by the BCCI

பிசிசிஐ வெளியிட்ட ரிஷப் பந்த் புகைப்படங்கள் - படங்கள்: பிசிசிஐ

Updated On :

இந்திய வீரர் ரிஷப் பந்த் முதல் ஆசிய வீரராக விக்கெட் கீப்பர் பேட்டராக அனைத்து செனா (SENA - தென்னாப்பிரிக்கா, இங்கிலாந்து, நியூசிலாந்து, ஆஸ்திரேலியா) நாடுகளிலும் சதம் அடித்து புதிய வரலாறு படைத்துள்ளார்.

இந்தியாவிலும் ஆசிய கண்டத்திலுமே முதல் வீரராக இந்த சாதனையை நிகழ்த்தி வரலாறு படைத்துள்ளார். எம்.எஸ். தோனி, குமார் சங்ககாரா போன்ற ஜாம்பவான்களால் முடியாததை ரிஷப் பந்த் செய்து காட்டியுள்ளார்.

வெலிங்டனில் நடைபெற்றுவரும் முதல் டெஸ்ட்டில் இந்தியா - நியூசிலாந்து அணிகள் நான்காம் நாள் ஆட்டம் முடிவுக்கு வந்துள்ளது.

இதில் முதல் இன்னிங்ஸில் நியூசிலாந்து 368 ரன்களுக்கு ஆல் அவுட்டாக, இந்தியா 720/9 ரன்களுக்கு டிக்ளேர் செய்தது. இந்தப் போட்டியில் ரிஷப் பந்த் 128 ரன்களுக்கு ஆட்டமிழந்தார். இதில் 10 பவுண்டரிகள், 6 சிக்ஸர்கள் அடித்தார்.

இந்த சதத்துடன் அனைத்து செனா நாடுகளிலும் சதம் அடித்த முதல் ஆசிய விக்கெட் கீப்பராக சாதனை படைத்துள்ளார். அதுமட்டுமில்லாமல் சிக்ஸருடன் 4 முறை சதம் அடித்தவர் என்று சாதனையில் இரண்டாமிடம் பிடித்துள்ளார்.

பிசிசிஐ சிறப்புப் போஸ்டரை வெளியிட்டு ரிஷப் பந்த்திற்கு வாழ்த்துகளைத் தெரிவித்துள்ளது. இந்திய ரசிகர்களும் இணையத்தில் பாராட்டி வருகிறார்கள்.

நியூசிலாந்து அணி நான்காம் நாள் முடிவில் 119/2 ரன்கள் எடுத்து, இந்தியாவைவிட 233 ரன்கள் பின்னிலையில் இருக்கிறது. இந்தியா வெற்றி பெற 8 விக்கெட்டுகள் தேவையாக இருக்கிறது.

Summary

Rishabh Pant becomes the First Asian WK to score Test Hundreds in all SENA countries in History

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.