ஐபிஎல்: சென்னையைப் பின்னுக்குத் தள்ளி மீண்டும் முதலிடத்தில் ஆர்சிபி!

மும்பையில் நேற்று நடைபெற்ற ஐபிஎல் ஆட்டத்தில் ராயல் சேலஞ்சா்ஸ் பெங்களூா் அணி 10 விக்கெட்டுகள் வித்தியாசத்தில் ராஜஸ்தான் ராயல்ஸை வென்றது.

இதன்மூலம் நடப்பு சீசனில் இதுவரை தோல்வியே இல்லாத அணியாக பெங்களூா் வெற்றி நடை போடுகிறது. ராஜஸ்தானுக்கு இது 3-வது தோல்வி.

முதலில் பேட் செய்த ராஜஸ்தான் 20 ஓவா்களில் 9 விக்கெட் இழப்புக்கு 177 ரன்கள் எடுத்தது. அடுத்து ஆடிய பெங்களூா் 16.3 ஓவா்களில் விக்கெட் இழப்பின்றி 181 ரன்கள் அடித்து வென்றது. சதம் விளாசிய பெங்களூா் வீரா் தேவ்தத் படிக்கல் ஆட்டநாயகன் ஆனாா்.

இந்த வெற்றியின் மூலம் ஆர்சிபி அணி புள்ளிகள் பட்டியலில் மீண்டும் முதலிடத்தைப் பெற்றுள்ளது. சென்னை அணி 2-வது இடத்துக்கு நகர்ந்துள்ளது. ராஜஸ்தான் அணி கடைசி இடத்துக்கு இறங்கியுள்ளது.

புள்ளிகள் பட்டியல்