ஆர்சிபி அணியைத் தோற்கடித்து புள்ளிகள் பட்டியலில் 5-ம் இடத்துக்கு முன்னேறிய பஞ்சாப்!

இந்த வெற்றியினால் பஞ்சாப் அணி புள்ளிகள் பட்டியலில் 5-ம் இடத்துக்கு முன்னேறியுள்ளது.

Updated On :1 மே 2021, 5:09 am

ஐபிஎல் போட்டியின் 26-வது லீக் ஆட்டத்தில் பஞ்சாப் கிங்ஸ் அணி 34 ரன்கள் வித்தியாசத்தில் பெங்களூா் ராயல் சேலஞ்சா்ஸ் அணியை வீழ்த்தியது. இந்த வருடம் 7 ஆட்டங்களில் விளையாடியுள்ள பஞ்சாப் அணி 3-வது வெற்றியைப் பெற்றுள்ளது.

ஆமதாபாத்தில் நேற்று நடைபெற்ற ஆட்டத்தில் முதலில் விளையாடிய பஞ்சாப் அணி 20 ஓவர்களில் 5 விக்கெட் இழப்புக்கு 179 ரன்கள் எடுத்தது. ராகுல் 91 ரன்கள் எடுத்து ஆட்டமிழக்காமல் இருந்தார். பிறகு விளையாடிய ஆர்சிபி அணி 20 ஓவர்களில் 8 விக்கெட் இழப்புக்கு 145 ரன்கள் மட்டும் எடுத்து தோல்வியடைந்தது. பஞ்சாப் சுழற்பந்து வீச்சாளர் ஹர்ப்ரீத் பிரார் - கோலி, மேக்ஸ்வெல், டி வில்லியர்ஸ் ஆகியோரின் விக்கெட்டுகளை வீழ்த்தி அசத்தினார். இதனால் ஆட்ட நாயகன் விருது அவருக்கே வழங்கப்பட்டது.

இந்த வெற்றியினால் பஞ்சாப் அணி புள்ளிகள் பட்டியலில் 5-ம் இடத்துக்கு முன்னேறியுள்ளது.

புள்ளிகள் பட்டியல்

வரிசை	அணிகள்	ஆட்டங்கள்	வெற்றி	தோல்வி	புள்ளிகள்	நெட் ரன்ரேட்
1.	சென்னை	6	5	1	10	+1.475
2.	தில்லி	7	5	2	10	+0.466
3.	பெங்களூர்	7	5	2	10	-0.171
4.	மும்பை	6	3	3	6	+0.071
5.	பஞ்சாப்	7	3	4	6	-0.264
6.	கொல்கத்தா	7	2	5	4	-0.494
7.	ராஜஸ்தான்	6	2	4	4	-0.690
8.	ஹைதராபாத்	6	1	5	2	-0.264