ஐபிஎல்: கேகேஆர் அணிக்கு எதிராக ஆதிக்கம் செலுத்தும் சிஎஸ்கே

கொல்கத்தாவுக்கு எதிராக ஐபிஎல் 2021 போட்டியின் இறுதிச்சுற்றை இன்று விளையாடுகிறது சென்னை சூப்பர் கிங்ஸ் அணி. 12 ஐபிஎல் போட்டிகளில் விளையாடி 9 முறை ஐபிஎல் இறுதிச்சுற்றுக்கு முன்னேறியுள்ளது. 2010, 2011, 2018 ஆண்டுகளில் ஐபிஎல் கோப்பையை வென்றது. 

2012, 2014 என இறுதிச்சுற்றுக்கு முன்னேறிய இருமுறையும் ஐபிஎல் கோப்பையை கேகேஆர் அணி வென்றுள்ளது. இருமுறையும் அந்த அணியின் கேப்டனாக இருந்தவர், கெளதம் கம்பீர். 2012-ல் சிஎஸ்கேவும் கொல்கத்தாவும் மோதியதில் கொல்கத்தா அணி கோப்பையைக் கைப்பற்றியது. 

இந்நிலையில் ஐபிஎல் போட்டியில் சிஎஸ்கே - கேகேஆர் அணிகள் இதுவரை 24 ஆட்டங்களில் விளையாடியுள்ளன. 

சிஎஸ்கே 16 முறையும் கேகேஆர் 8 முறையும் வெற்றி பெற்றுள்ளன. 

அதேபோல இந்த வருடம் இரு அணிகளும் விளையாடிய இரு ஆட்டங்களிலும் சிஎஸ்கே வென்றுள்ளது. அதனால் சிஎஸ்கே அணி மீண்டுமொருமுறை கொல்கத்தா அணியை வீழ்த்தி ஐபிஎல் கோப்பையைக் கைப்பற்றவேண்டும் என்பதே சிஎஸ்கே ரசிகர்களின் விருப்பமாக இருக்கும். 

சிஎஸ்கே சீருடையில் டேவிட் வார்னர்: இன்ஸ்டகிராமில் வெளியிட்ட பதிவு

மெக்கல்லம் பாய்ச்சிய ஒளி: 7-ம் இடத்திலிருந்து இறுதிச்சுற்றுக்கு முன்னேறிய கேகேஆர் அணி

முதல்முறையாக குறைவான ரன்கள், சிக்ஸர்கள்: பேட்டிங்கில் தடுமாறும் தோனி!