ஐபிஎல் 2022 போட்டியில் அதிக விக்கெட்டுகள் எடுத்த வீரர்களின் பட்டியலில் உமேஷ் யாதவை விடவும் ஒரு விக்கெட் கூடுதலாக எடுத்து முதலிடத்துக்கு முன்னேறியுள்ளார் சஹால்.
ஐபிஎல் போட்டியில் இந்தியப் பந்துவீச்சாளர்களுக்கு நிகராக வெளிநாட்டுப் பந்துவீச்சாளர்களும் சிறப்பாக விளையாடி அதிக விக்கெட்டுகளை எடுப்பார்கள்.
ஆனால் ஐபிஎல் 2022 போட்டியில் அதிக விக்கெட்டுகள் எடுத்த வீரர்களின் பட்டியலில் முதல் 10 இடங்களில் 8 இந்திய வீரர்கள் உள்ளார்கள்.
சனிக்கிழமை வரை அதிக விக்கெட்டுகள் எடுத்த வீரர்களின் பட்டியலில் வேகப்பந்து வீச்சாளர் உமேஷ் யாதவ் முதலிடத்தில் இருந்தார். ஆனால் ஞாயிற்றுக் கிழமை நடைபெற்ற ஆட்டங்கள் நிலைமையை மாற்றிவிட்டன.
தில்லிக்கு எதிரான நேற்றைய ஆட்டத்தில் கேகேஆர் வீரர் உமேஷ் யாதவ் ஒரு விக்கெட் தான் எடுத்தார். ஆனால் லக்னெளவுக்கு எதிரான 4 விக்கெட் எடுத்ததால் அதிக விக்கெட்டுகள் எடுத்த வீரராக முதலிடத்துக்கு முன்னேறியுள்ளார் சஹால். அதேபோல கேகேஆர் அணிக்கு எதிராக 4 விக்கெட்டுகள் எடுத்த குல்தீப் யாதவ், உமேஷ் யாதவுடன் இணைந்து 10 விக்கெட்டுகளுடன் 2-ம் இடத்தில் உள்ளார்.
ஐபிஎல் 2022: அதிக விக்கெட்டுகள்
1. சஹால் (ராஜஸ்தான்) - 11 விக்கெட்டுகள்
2. குல்தீப் யாதவ் (தில்லி) - 10 விக்கெட்டுகள்
3. உமேஷ் யாதவ் (கொல்கத்தா) - 10 விக்கெட்டுகள்
4. ஹசரங்கா (ஆர்சிபி) - 8 விக்கெட்டுகள்
5. அவேஷ் கான் (லக்னெள) - 8 விக்கெட்டுகள்