காயம் காரணமாக தாயகம் திரும்பும் மதீஷா பதிரானா!

காயம் காரணமாக சென்னை சூப்பர் கிங்ஸ் அணியின் வேகப் பந்துவீச்சாளர் மதீஷா பதிரானா இலங்கைக்குத் திரும்பவுள்ளார்.

நடப்பு ஐபிஎல் தொடரில் 6 போட்டிகளில் விளையாடியுள்ள பதிரானா 13 விக்கெட்டுகளை வீழ்த்தியுள்ளார். அவரது எகானமி ரேட் 7.68 ஆக உள்ளது. நடப்பு ஐபிஎல் தொடரில் 10 போட்டிகளில் விளையாடியுள்ள சென்னை சூப்பர் கிங்ஸ் 5 வெற்றிகளுடன் பிளே ஆஃப் சுற்றுக்கு தகுதி பெறும் முனைப்பில் விளையாடி வருகிறது.

இந்த நிலையில், காயம் காரணமாக பதிரானா தாயகம் திரும்பவுள்ளது முக்கியத்துவம் பெறுகிறது.

இது தொடர்பாக சிஎஸ்கே அணி நிர்வாகம் தரப்பில் தெரிவித்திருப்பதாவது: சென்னை அணியின் வேகப் பந்துவீச்சாளர் மதீஷா பதிரானா காயம் காரணமாக தாயகம் திரும்பவுள்ளார். அவர் விரைவில் குணமடைய வேண்டும் என சென்னை சூப்பர் கிங்ஸ் அணி நிர்வாகம் விரும்புகிறது எனத் தெரிவிக்கப்பட்டுள்ளது.