செய்தி மடல்
இ-பேப்பர்
லக்னௌ சூப்பர் ஜெயண்ட்ஸுக்கு எதிரான போட்டியில் 3-வது வீரராக ஜோஷ் இங்லிஷ் களமிறக்கப்பட்டது தொடர்பாக பஞ்சாப் கிங்ஸ் அணியின் பயிற்சியாளர் ரிக்கி பாண்டிங் பேசியுள்ளார்.
ஐபிஎல் தொடரில் ஹிமாசலில் நடைபெற்ற நேற்றைய ஆட்டத்தில் பஞ்சாப் கிங்ஸ் மற்றும் லக்னௌ சூப்பர் ஜெயண்ட்ஸ் அணிகள் விளையாடின. இந்தப் போட்டியில் பஞ்சாப் கிங்ஸ் 37 ரன்கள் வித்தியாசத்தில் லக்னௌவை வீழ்த்தியது. இந்த வெற்றியின் மூலம், புள்ளிப்பட்டியலில் பஞ்சாப் கிங்ஸ் இரண்டாவது இடத்துக்கு முன்னேறியது.
நேற்றைய ஆட்டத்தில் பஞ்சாப் கிங்ஸ் முதல் ஓவரிலேயே பிரியன்ஷ் ஆர்யாவின் விக்கெட்டினை இழந்தது. இதனையடுத்து, கேப்டன் ஷ்ரேயாஸ் ஐயர் களமிறங்குவார் என எதிர்பார்க்கப்பட்ட நிலையில், யாரும் எதிர்பாராத விதமாக இந்த சீசனில் நடுவரிசை ஆட்டக்காரராக விளையாடி வரும் ஜோஷ் இங்லிஷ் மூன்றாவது வீரராக களமிறக்கப்பட்டார். அதிரடியாக விளையாடிய அவர் 14 பந்துகளில் 30 ரன்கள் குவித்தார். அதில் ஒரு பவுண்டரி மற்றும் 4 சிக்ஸர்கள் அடங்கும்.
ரகசியம் பகிர்ந்த ரிக்கி பாண்டிங்
லக்னௌ சூப்பர் ஜெயண்ட்ஸுக்கு எதிரான போட்டியில் ஜோஷ் இங்லிஷ் 3-வது வீரராக களமிறக்கப்பட்டது கேப்டன் ஷ்ரேயாஸ் ஐயரின் முடிவு என பஞ்சாப் கிங்ஸ் அணியின் பயிற்சியாளர் ரிக்கி பாண்டிங் தெரிவித்துள்ளது முக்கியத்துவம் பெறுகிறது.
இது தொடர்பாக அவர் பேசியதாவது: ஜோஷ் இங்லிஷை மூன்றாவது வீரராக களமிறக்கும் முடிவு அணியின் கேப்டன் ஷ்ரேயாஸ் ஐயருடையது. இது போன்ற ஆடுகளத்தில் நாம் சீக்கிரம் விக்கெட்டினை இழந்தால், மூன்றாவது வீரராக ஜோஷ் இங்லிஷை களமிறக்கலாம் என ஷ்ரேயாஸ் கூறினார். மயங்க் யாதவ் ஆட்டத்தின் தொடக்கத்தில் பந்துவீசுவார் என உணர்ந்தோம். மயங்க் யாதவின் பந்துவீச்சில் ஜோஷ் இங்லிஷ் சிறப்பாக விளையாடி சிக்ஸர்களை விளாசினார். அவருடைய இன்னிங்ஸ் அடுத்து களமிறங்கியவர்களுக்கு பேட்டிங் செய்வதை எளிமையாக்கியது என்றார்.
ஜோஷ் இங்லிஷ் அடித்த 4 சிக்ஸர்களில் 3 சிக்ஸர்கள் மயங்க் யாதவ் ஓவரில் அடிக்கப்பட்டது என்பது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.