ஐபிஎல் வரலாற்றில் அதிவேகமாக 100 விக்கெட்டுகளை எடுத்து வருண் சக்கரவர்த்தி சாதனை நிகழ்த்தியுள்ளார்.
ஐபிஎல் போட்டியின் 57-ஆவது ஆட்டத்தில் நடப்பு சாம்பியன் கொல்கத்தா நைட் ரைடர்ஸை சிஎஸ்கே அணி 2 விக்கெட்டுகள் வித்தியாசத்தில் நேற்றிரவு (மே.7) வீழ்த்தியது.
தமிழகத்தைச் சேர்ந்த வருண் சக்கரவர்த்தி கொல்கத்தா அணிக்காக சிறப்பாக பந்துவீசி வருகிறார்.
நேற்றைய போட்டியில் 4 ஓவர்கள் வீசி 18 ரன்கள் கொடுத்து 2 விக்கெட்டுகளை கைப்பற்றினார்.
இதன்மூலம் அதிவேகமாக 100 விக்கெட்டுகளை எடுத்த வீரர்கள் பட்டியலில் முதலிடம் பிடித்து சாதனை படைத்துள்ளார்.
இதற்காக வருண் சக்கரவர்த்திக்கு திண்டுக்கல் டிராகன்ஸ், கேகேஆர் அணிகள் சிறப்பு போஸ்டர்களை வெளியிட்டு வாழ்த்துகளை தெரிவித்துள்ளது.
ஐபிஎல் தொடரில் அதிவேகமாக 100 விக்கெட்டுகள்
82 இன்னிங்ஸ் - வருண் சக்கரவர்த்தி
83 இன்னிங்ஸ் - யுஸ்வேந்திர சஹால்
83 இன்னிங்ஸ் - ரஷித் கான்
83 இன்னிங்ஸ் - அமித் மிஸ்ரா
85 இன்னிங்ஸ் - சுனில் நரைன்
இந்தப் போட்டியில் ஐபிஎல் விதிமுறை 2.5-இன் படி லெவல் 1 குற்றத்திற்காக கேகேஆர் வீரர் வருண் சக்கரவர்த்திக்கு போட்டி ஊதியத்திலிருந்து 25 சதவிகிதம் அபராதம் விதிக்கப்பட்டதும் குறிப்பிடத்தக்கது.