செய்தி மடல்
இ-பேப்பர்
/
பஞ்சாப் கிங்ஸுக்கு எதிரான தோல்வி மும்பை இந்தியன்ஸ் அணிக்கு கொடுக்கப்பட்ட எச்சரிக்கை என மும்பை அணியின் தொடக்க ஆட்டக்காரர் ரியான் ரிக்கல்டான் தெரிவித்துள்ளார்.
ஐபிஎல் தொடரில் ஜெய்பூரில் நடைபெற்ற நேற்றையப் போட்டியில் மும்பை இந்தியன்ஸ் மற்றும் பஞ்சாப் கிங்ஸ் அணிகள் விளையாடின. இந்தப் போட்டியில் பஞ்சாப் கிங்ஸ் அணி 7 விக்கெட்டுகள் வித்தியாசத்தில் அபார வெற்றி பெற்றது.
பஞ்சாப் கிங்ஸுக்கு எதிரான நேற்றையப் போட்டியில் ஏற்பட்ட தோல்வியின் மூலம், புள்ளிப்பட்டியலில் முதல் இரண்டு இடங்களுக்குள் நிறைவு செய்யும் வாய்ப்பை மும்பை இந்தியன்ஸ் அணி தவறவிட்டது. மும்பை அணி 14 போட்டிகளில் 8 வெற்றிகள் பெற்று 16 புள்ளிகளுடன் புள்ளிப்பட்டியலில் 4-வது இடத்தில் உள்ளது.
ரியான் ரிக்கல்டான் கூறுவதென்ன?
பஞ்சாப் கிங்ஸுக்கு எதிரான தோல்வி மும்பை இந்தியன்ஸ் அணிக்கான எச்சரிக்கை எனவும், எலிமினேட்டர் போட்டியில் வெற்றி பெறுவோம் என்ற நம்பிக்கை இருக்கிறது எனவும் மும்பை அணியின் தொடக்க ஆட்டக்காரர் ரியான் ரிக்கல்டான் தெரிவித்துள்ளார்.
இது தொடர்பாக அவர் பேசியதாவது: பஞ்சாப் கிங்ஸ் அணி எங்களைவிட சிறப்பாக விளையாடி வெற்றி பெற்றனர். இது மும்பை இந்தியன்ஸ் அணிக்கு கொடுக்கப்பட்டுள்ள எச்சரிக்கை. இந்த போட்டியில் தோற்றுவிட்டதால், எல்லாம் முடிந்துவிட்டது என்றாகாது. உண்மையைக் கூறவேண்டுமென்றால், மும்பை அணி சிறப்பாக செயல்பட்டு வருகிறது. பேட்டிங் மற்றும் பந்துவீச்சில் ஒரு சில இடங்களில் முன்னேற்றம் தேவைப்படுகிறது. எலிமினேட்டர் போட்டியில் வெற்றி பெறும் திறமை எங்களுக்கு இருக்கிறது. எலிமினேட்டர் போட்டியில் வலுவாக மீண்டு வருவோம்.
இதையும் படிக்க: சிஎஸ்கேவின் பேட்டிங் பயிற்சியாளராகும் ரெய்னா!
நாங்கள் 20 ரன்கள் குறைவாக எடுத்துவிட்டோம். முதலில் பேட்டிங் செய்வதில் எங்களுக்கு எந்த ஒரு பிரச்னையும் இல்லை. 200 அல்லது 220 ரன்கள் எடுத்திருந்தால், எதிரணிக்கு சவால் அளிக்கும் விதமாக எங்களது பந்துவீச்சாளர்கள் செயல்பட்டிருப்பார்கள். மும்பை இந்தியன்ஸ் அணி 200 ரன்களுக்கும் அதிகமாக ரன்கள் குவித்து அதிக முறை வெற்றி பெற்றதாகவே வரலாறு கூறுகிறது. முக்கியமான தருணத்தில் விக்கெட்டுகளை இழந்ததால், எங்களால் 200 ரன்களுக்கும் அதிகமாக எடுக்க முடியவில்லை என்றார்.
வருகிற மே 30 ஆம் தேதி நடைபெறும் எலிமினேட்டர் போட்டியில் மும்பை இந்தியன்ஸ் அணி, குஜராத் டைட்டன்ஸ் அல்லது ராயல் சேலஞ்சர்ஸ் பெங்களூரு அணியை எதிர்த்து விளையாடவுள்ளது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
