ஐபிஎல் கிரிக்கெட் போட்டிகள் மும்பை வான்கடே மைதானத்தில் இன்று தொடங்குகின்றன. பாலிவுட் நட்சத்திரங்களின் கண்கவர் கலைநிகழ்ச்சிகள், வாணவேடிக்கையுடன் தொடக்க விழா நடைபெறுகிறது. நடப்பு சாம்பியன் மும்பை இண்டியன்ஸ் அணியும், சென்னை சூப்பர் கிங்ஸ் அணியும் துவக்க ஆட்டத்தில் மோதுகின்றன.
சூதாட்டப் புகார் காரணமாக சென்னை சூப்பர் கிங்ஸ் அணிக்கு 2 ஆண்டுகள் தடை விதிக்கப்பட்டிருந்தது. அத்தடை முடிவடைந்த நிலையில் தற்போது சிஎஸ்கே அணி மீண்டும் களம் காண்கிறது.
இந்நிலையில் சென்னை சூப்பர் கிங்ஸ் அணியின் அதிகாரபூர்வ பாடலான விசில் போடு, தற்போது புதுமையான முறையில் படமாக்கப்பட்டுள்ளது. அதன் காணொளி தற்போது வெளியிடப்பட்டுள்ளது.