இந்திய கிரிக்கெட் அணியின் தலைமைப் பயிற்சியாளர் பதவியில் இருந்து அனில் கும்ப்ளே ராஜிநாமா செய்தார். இதுகுறித்து செவ்வாய்க்கிழமை பிசிசிஐ வெளியிட்டுள்ள அறிக்கையில் கூறப்பட்டுள்ளதாவது:
இந்திய கிரிக்கெட் அணியின் தலைமை பயிற்சியாளர் பதவியில் இருந்து அனில் கும்ப்ளே ராஜிநாமா செய்துள்ளதை பிசிசிஐ உறுதி செய்கிறது. மேற்கிந்தியத் தீவுகளுக்கு எதிரான தொடரிலும் இந்திய அணியின் பயிற்சியாளராக நீடிக்க கிரிக்கெட் ஆலோசனைக் குழு அனுமதி அளித்தபோதும், அதை ஏற்க மறுத்து கும்ப்ளே ராஜிநாமா செய்துள்ளார். இந்திய அணிக்கான அடுத்த தலைமை பயிற்சியாளரை நியமிக்கும் விவகாரத்தில் கிரிக்கெட் ஆலோசனைக் குழுவுடன் கலந்தாலோசித்து பிசிசிஐ செயல்படும். இந்த இடைப்பட்ட காலத்தில் மேற்கிந்தியத் தீவுகள் தொடரில் பங்கேற்கச் சென்றுள்ள இந்திய அணியின் கண்காணிப்பாளராக கிரிக்கெட் நடவடிக்கைகள் மேலாளர் எம்.வி.ஸ்ரீதர் நியமிக்கப்படுகிறார் என்று பிசிசிஐ அறிக்கையில் கூறப்பட்டுள்ளது. அனில் கும்ப்ளேவும் தனது அறிக்கையில், கோலியுடனான கருத்துவேறுபாடுகளால் பதவியை ராஜிநாமா செய்வதாக அறிவித்துள்ளார்கள்.
இந்நிலையில் கும்ப்ளேவின் விலகலை அடுத்து சமூகவலைத்தளத்தில் கும்ப்ளேவுக்கு ஆதரவாகவும் கோலிக்கு எதிரான கருத்துகளையும் கிரிக்கெட் நிபுணர்கள், ரசிகர்கள் என பலதரப்பினரும் தெரிவித்துவருகிறார்கள். அதன் தொகுப்பு:
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.