19 வயதுக்குட்பட்டோர் இந்திய அணியில் அர்ஜுன் டெண்டுல்கர்

இலங்கைக்கு சுற்றுப் பயணம் மேற்கொள்ளும் 19 வயதுக்குட்பட்டோர் இந்திய அணியில் ஜாம்பவான் சச்சின் டெண்டுல்கர் மகன் அர்ஜுன் டெண்டுல்கர் இடம் பெற்றுள்ளார்.
உள்ளூர் கிரிக்கெட் சீசனில் 18 விக்கெட்டுகளை அர்ஜுன் வீழ்த்தியுள்ளார். இலங்கையில் இரண்டு 4 நாள் போட்டியில் இந்திய அணி விளையாட உள்ளது. 
19 வயது நிறைவடைந்தவர்களை எக்காரணம் கொண்டும் மீண்டும் 19 வயதுக்குட்பட்டோர் அணியில் சேர்க்கக் கூடாது என பிசிசிஐயும், பயிற்சியாளர் ராகுல் திராவிட்டும் உறுதியாக உள்ளனர். ஜாம்பவான் சச்சின் டெண்டுல்கர் ஓய்வு பெற்ற நிலையில் மீண்டும் இந்திய அணியில் டெண்டுல்கர் ஜூனியர் பெயர் இடம் பெற்றுள்ளது குறிப்பிடத்தக்கது.