இந்தியாவுக்கு எதிரான டெஸ்ட் தொடர்: ஆஸ்திரேலிய அணி அறிவிப்பு!

கேப்டன் விராட் கோலி தலைமையிலான இந்திய அணி 4 டெஸ்ட், 3 ஒருநாள், 3 டி20 ஆட்டங்கள் கொண்ட தொடர்களில் பங்கேற்க ஆஸ்திரேலியாவுக்குச் சென்றுள்ளது.

டி20 தொடர் நேற்று முதல் தொடங்கியுள்ளது. முதல் டி20 ஆட்டத்தை ஆஸ்திரேலியா அணி நான்கு ரன்கள் வித்தியாசத்தில் வென்றுள்ளது. டெஸ்ட் தொடர் டிசம்பர் 6 முதல் தொடங்கவுள்ளது.

இந்நிலையில் இந்தியாவுக்கு எதிரான டெஸ்ட் தொடருக்கான ஆஸ்திரேலிய அணி இன்று அறிவிக்கப்பட்டுள்ளது. முதல் இரு டெஸ்ட் ஆட்டங்களுக்காகத் தேர்வு செய்யப்பட்டுள்ள 14 பேர் கொண்ட டெஸ்ட் அணியில் மார்கஸ் ஹாரிஸ் என்கிற 26 வயது வீரர் இடம்பெற்றுள்ளார். மிட்செல் ஸ்டார்க், ஜோஷ் ஹேஸில்வுட், பேட் கம்மின்ஸ், கிறிஸ் டிரெமெயின் ஆகிய வேகப்பந்துவீச்சாளர்கள் அணியில் இடம்பெற்றுள்ளார்கள். 

ஆஸ்திரேலிய அணி

மார்கஸ் ஹாரிஸ், ஆரோன் ஃபிஞ்ச், உஸ்மான் கவாஜா, ஷான் மார்ஷ், டிராவிஸ் ஹெட், மிட்செல் மார்ஷ், டிம் பெயின், பேட் கம்மின்ஸ், மிட்செல் ஸ்டார்க், ஜோஷ் ஹேஸில்வுட், நாதன் லயன், கிறிஸ் டிரெமெயின், பீட்டர் சிடில், பீட்டர் ஹேண்ட்ஸ்காம்ப்.