உலக பாட்மிண்டன் சாம்பியன்ஷிப்: சீனாவின் லின் டானைத் தோற்கடித்தார் இந்தியாவின் பிரணாய்!

உலக பாட்மிண்டன் சாம்பியன்ஷிப் போட்டியில், இந்தியாவின் ஹெச். எஸ். பிரணாய், சீனாவின் லின் டானைத் தோற்கடித்துள்ளார். 

ஸ்விட்சர்லாந்தின் பேஸல் நகரில் நடைபெற்று வரும் இப்போட்டியின் 2-வது சுற்றில் 5 தடவை சாம்பியன் பட்டத்தை வென்ற சீனாவின் லின் டானை எதிர்கொண்டார் பிரணாய். ரசிகர்கள் ஆர்வத்துடன் எதிர்பார்த்த இந்த ஆட்டத்தை 21-11, 13-21, 21-7 என்கிற கேம் கணக்கில் லின் டானைத் தோற்கடித்து 3-வது சுற்றுக்கு முன்னேறினார் பிரணாய். இந்த ஆட்டம் 62 நிமிடங்கள் நடைபெற்றது. இருவரும் இதுவரை 5 முறை மோதியதில் பிரணாய் 3 முறை லின் டானைத் தோற்கடித்துள்ளார்.