வார் தொழில்நுட்பத்தால் வெற்றி பெற்ற ரியல் மாட்ரிட்

லா லிகா கால்பந்து போட்டியின் ஒரு பகுதியாக ஞாயிற்றுக்கிழமை இரவு நடைபெற்ற ஆட்டத்தில் வார் தொழில்நுட்பத்தின் அடிப்படையில் ரியல் மாட்ரிட் அணி வெற்றது.
லெவன்டே மற்றும் ரியல்மாட்ரிட் அணிகளுக்கு இடையிலான ஆட்டத்தில் ரியல்மாட்ரிட் வீரர் கரீம் பென்ஸாமா முதல் பாதி முடியும் போது கோலடித்து முன்னிலை பெற்றுத் தந்தார்.
அப்போது லெவன்டே வீரர் எனிஸ் பார்தி கையில் பந்து பட்டதால், வீடியோ உதவி நடுவர் முடிவு மூலம் ரியல் மாட்ரிட்டுக்கு பெனால்டி வாய்ப்பு தரப்பட்டது. ஆனால் தவறு செய்யவில்லை என லெவன்டே வீரர்கள் கடுமையாக ஆட்சேபித்தனர். இதையடுத்து மீண்டும் வார் தொழில்நுட்பத்தின்படி விடியோ காட்சிகள் பார்க்கப்பட்டு இரண்டாவது பெனால்டி தரப்பட்டது. அதை பிசகின்றி கோலாக்கினார் ரியல் மாட்ரிட் வீரர் காரேத் பேல். இறுதியில் 2-0 என வென்ற ரியல் மாட்ரிட், லா லிகா பட்டியலில் பார்சிலோனாவை காட்டிலும் 9 புள்ளிகள் பின்தங்கி உள்ளது.