ஆஸி. ஓபனில் செரீனா அதிர்ச்சித் தோல்வி: அரையிறுதிக்கு முன்னேறிய லிஸ்கோவா

ஆஸ்திரேலிய ஓபன் டென்னிஸ் போட்டித் தொடரில் முன்னணி வீராங்கனை செரீனா வில்லியம்ஸ் அதிர்ச்சித் தோல்வியடைந்தார்.

ஆஸ்திரேலிய ஓபன் மகளிர் ஒற்றையர் பிரிவு காலிறுதி ஆட்டம் புதன்கிழமை நடைபெற்றது. இதில் முன்னாள் நம்பர் 1 வீராங்கனையும், 23 முறை கிராண்ட்ஸ்லாம் சாம்பியனுமான அமெரிக்க வீராங்கனை செரீனா வில்லியம்ஸ், மற்றொரு முன்னாள் முதல்நிலை வீராங்கனையான செக் குடியரசின் கரோலின் லிஸ்கோவாவை எதிர்கொண்டார்.

2 மணிநேரம் 10 நிமிடங்கள் நீடித்த இந்த ஆட்டத்தில் 6-4, 4-6, 7-5 என்ற செட் கணக்கில் கரோலின் வெற்றிபெற்று அரையிறுதிக்கு முன்னேறினார். இதையடுத்து அமெரிக்க ஓபன் சாம்பியன் நவோமி ஒஸாகாவை அரையிறுதியில் கரோலின் எதிர்கொள்கிறார்.