இந்தியா தொடர்: சொந்தக் காரணங்களுக்காக ஓரிரு டெஸ்டுகளைத் தவறவிடும் டி காக்

இந்திய அணி தென்னாப்பிரிக்காவுக்குச் சுற்றுப்பயணம் செய்து 3 டெஸ்ட், 3 ஒருநாள் ஆட்டங்களில் விளையாடுகிறது. டெஸ்ட் தொடர் டிசம்பர் 26 அன்றும் ஒருநாள் தொடர் ஜனவரி 19 அன்றும் தொடங்குகின்றன. ஒருநாள் தொடருக்கு கேப்டனாகவும் டெஸ்ட் தொடருக்கு துணை கேப்டனாகவும் ரோஹித் சர்மா நியமிக்கப்பட்டுள்ளார். 

தென்னாப்பிரிக்க டெஸ்ட் தொடரில் பங்கேற்கும் இந்திய அணி வீரர்கள் மும்பையில் மூன்று நாள்களுக்குத் தனிமைப்படுத்தப்பட்டுள்ளார்கள். டிசம்பர் 16 அன்று மும்பையிலிருந்து தனி விமானம் மூலமாகத் தென்னாப்பிரிக்காவுக்குச் செல்கிறது.  

இந்நிலையில் சொந்தக் காரணங்களுக்காக தென்னாப்பிரிக்காவின் விக்கெட் கீப்பர் பேட்ஸ்மேன் டி காக், இந்தியாவுக்கு எதிரான ஓரிரு டெஸ்டுகளைத் தவறவிடவுள்ளார்.  டி காக்கின் மனைவிக்கு ஜனவரி மாதம் முதல் குழந்தை பிறக்கவுள்ளது. இதனால் 2-வது மற்றும் 3-வது டெஸ்டுகளில் இருந்து டி காக் விலகவுள்ளார். தென்னாப்பிரிக்க அணியின் தேர்வுக்குழு உறுப்பினர் விக்டர் இத்தகவலை உறுதிபடுத்தியுள்ளார். குறைந்தபட்சம் 3-வது டெஸ்டை டி காக் தவறவிட வாய்ப்புள்ளது. ஒருவேளை 2-வது டெஸ்டுக்கு முன்பு கரோனா பாதுகாப்பு வளையத்தை விட்டு டி காக் வெளியேறினால் பாதுகாப்பு காரணங்களால் அவரால் 3-வது டெஸ்டிலும் பங்கேற்காத நிலைமை ஏற்படும். 

இளம் கிரிக்கெட் வீரர் வெங்கடேஷ் ஐயருக்கு நன்றி தெரிவித்த ரஜினிகாந்த்!

தெ.ஆ. தொடர்: மும்பையில் 3 நாள்களுக்குத் தனிமைப்படுத்தப்பட்டுள்ள இந்திய அணி வீரர்கள்

ஆஷஸ்: 2-வது டெஸ்டிலிருந்து பிரபல ஆஸி. வீரர் விலகல்

ருதுராஜை இந்திய அணிக்கு உடனடியாகத் தேர்வு செய்யவேண்டும்: வெங்சர்கார் சொல்லும் காரணம்

சீனியா் ஹாக்கி: மகாராஷ்டிரம் அபார வெற்றி