வெளிநாட்டில் பயிற்சி: கேரளக் கால்பந்து வீரருக்கு நிதியுதவி செய்த சஞ்சு சாம்சன்

இளம் கால்பந்து வீரரின் வெளிநாட்டுப் பயிற்சிக்காக நிதியுதவி செய்துள்ளார் பிரபல கிரிக்கெட் வீரர் சஞ்சு சாம்சன்.

கேரளத்தைச் சேர்ந்த இளம் கால்பந்து வீரரான ஆதர்ஷ், ஸ்பெயினில் 5-வது டிவிஷன் பிரிவில் கால்பந்துப் பயிற்சி பெறுவதற்காக ஸ்பெயினுக்குச் செல்லவுள்ளார். ஒரு மாதப் பயிற்சியில் அவரால் 5 ஆட்டங்களில் விளையாட முடியும். அவருடைய திறமை அங்கீகரிக்கப்பட்டால் ஸ்பெயின் கிளப்புகளில் தேர்வாகவும் வாய்ப்புண்டு. எனினும் ஸ்பெயினுக்குச் சென்று பயிற்சி எடுக்கு  அளவுக்கு நிதி வசதி இல்லாததால் கேரள அமைச்சர் சாஜி செரியனிடம் உதவி கோரினார் ஆதர்ஷ். இதனால் அவருடைய நிலைமை மற்றவர்களுக்குத் தெரிய வந்தது. 

கேரளாவின் திருவல்லாவில் உள்ள கல்லூரியில் படித்து வரும் ஆதர்ஷுக்குத் தற்போது பலரும் நிதியுதவி செய்துள்ளார்கள். தனியார் கிளப் ஒன்று ரூ. 50,000 அளித்த நிலையில் கேரள அமைச்சர் சாஜி செரியனும் வெளிநாட்டுப் பயிற்சிக்காக ஆதர்ஷுக்கு நிதியுதவி செய்துள்ளார்.

பிரபல கிரிக்கெட் வீரர் சஞ்சு சாம்சனும் தன் பங்குக்கு ஆதர்ஷுக்கு உதவி செய்ய முன்வந்துள்ளார். ஸ்பெயின் செல்வதற்கான விமான டிக்கெட் செலவை அவர் ஏற்றுக்கொண்டுள்ளார். பலரும் உதவி செய்துள்ளதால் விரைவில் மேட்ரிட் செல்லவுள்ளார் ஆதர்ஷ். 

கரோனா தடுப்பூசி செலுத்திக் கொள்ள முரளி விஜய் மறுப்பு?

ஒருநாள், டெஸ்ட் கேப்டன் பதவிகளில் இருந்தும் விராட் கோலி விலகுவாரா?: ரவி சாஸ்திரி பதில்

ரோஹித் சர்மா 264: கனவில்கூட நினைத்திராத சாதனை நிகழ்த்தப்பட்ட நாள்!