இங்கிலாந்துக்கு எதிரான 2-வது டெஸ்ட்: மீண்டும் சதமடித்தார் மிட்செல்

இங்கிலாந்துக்கு எதிரான 2-வது டெஸ்டிலும் நியூசி. வீரர் மிட்செல் சதமடித்துள்ளார். 

லார்ட்ஸில் நடைபெற்ற முதல் டெஸ்டில் இங்கிலாந்து அணி வெற்றி பெற்று 1-0 என முன்னிலை வகிக்கிறது. 2-வது டெஸ்ட் நாட்டிங்கமில் நடைபெற்று வருகிறது. டாஸ் வென்ற இங்கிலாந்து அணி ஃபீல்டிங்கைத் தேர்வு செய்தது. நியூசி. கேப்டன் கேன் வில்லியம்சனுக்கு கரோனா பாதிப்பு ஏற்பட்டதால் இந்த டெஸ்டில் அவர் பங்கேற்கவில்லை.

முதல் நாள் முடிவில் நியூசிலாந்து அணி 4 விக்கெட் இழப்புக்கு 318 ரன்கள் எடுத்துள்ளது. மிட்செல் 81 ரன்களும் பிளண்டல் 67 ரன்களும் எடுத்துக் களத்தில் இருந்தார்கள். 

இந்நிலையில் இன்று 97-வது ஓவரில் 184 பந்துகளில் தனது சதத்தைப் பூர்த்தி செய்தார் மிட்செல். இது அவருடைய 3-வது டெஸ்ட் சதம். லார்ட்ஸ் டெஸ்டில் சதமடித்த பிறகு 2-வது டெஸ்டிலும் சதமடித்து அசத்தியுள்ளார். 

நியூசிலாந்து அணி 100 ஓவர்களில் 4 விக்கெட் இழப்புக்கு 358 ரன்கள் எடுத்துள்ளது. மிட்செல் 103, பிளண்டல் 84 ரன்களுடன் களத்தில் உள்ளார்கள். 

வேகப்பந்து வீச்சுக்கு எதிராகத் தடுமாறும் ஷ்ரேயஸ் ஐயர்!

ஒருநாள் கிரிக்கெட்டில் ஏராளமான ரன்களைக் குவித்து வரும் பாகிஸ்தான் கேப்டன்

உலகக் கோப்பைக்கான இந்திய அணியில் இந்த வீரர் இல்லாவிட்டால் ஆச்சர்யப்படுவேன்: பாண்டிங்

இங்கிலாந்துக்கு எதிரான டெஸ்ட்: முதல் நாளில் அபாரமாக விளையாடிய நியூசிலாந்து (விடியோ)