நாட்டிங்கமில் நடைபெற்று வரும் 2-வது டெஸ்டில் நியூசிலாந்து அணி முதல் நாள் முடிவில் 4 விக்கெட் இழப்புக்கு 318 ரன்கள் எடுத்துள்ளது.
லார்ட்ஸில் நடைபெற்ற முதல் டெஸ்டில் இங்கிலாந்து அணி வெற்றி பெற்று 1-0 என முன்னிலை வகிக்கிறது. 2-வது டெஸ்ட் நாட்டிங்கமில் நடைபெற்று வருகிறது. டாஸ் வென்ற இங்கிலாந்து அணி ஃபீல்டிங்கைத் தேர்வு செய்தது. நியூசி. கேப்டன் கேன் வில்லியம்சனுக்கு கரோனா பாதிப்பு ஏற்பட்டதால் இந்த டெஸ்டில் அவர் பங்கேற்கவில்லை.
முதல் விக்கெட்டுக்கு கேப்டன் டாம் லதமும் வில் யங்கும் சிறப்பாக விளையாடி 84 ரன்கள் எடுத்தார்கள். வில் யங் 47 ரன்களுக்கு ஆட்டமிழந்தார். 4 விக்கெட் இழப்புக்கு 169 ரன்கள் எடுத்தது நியூசிலாந்து அணி. இதன்பிறகு ஜோடி சேர்ந்த டேரில் மிட்செல்லும் பிளண்டலும் நல்ல கூட்டணியை அமைத்தார்கள். இருவர் கூட்டணி இதுவரை 149 ரன்களை எடுத்துள்ளது. முதல் நாள் முடிவில் நியூசிலாந்து அணி 4 விக்கெட் இழப்புக்கு 318 ரன்கள் எடுத்துள்ளது. மிட்செல் 81 ரன்களும் பிளண்டல் 67 ரன்களும் எடுத்துக் களத்தில் உள்ளார்கள்.