டி20 உலகக் கோப்பை அரையிறுதி: நியூசிலாந்து முதலில் பேட்டிங்

பாகிஸ்தானுக்கு எதிரான டி20 உலகக் கோப்பை அரையிறுதி ஆட்டத்தில் டாஸ் வென்று பேட்டிங்கைத் தேர்வு செய்துள்ளது நியூசிலாந்து அணி.

டி20 உலகக் கோப்பைப் போட்டியில் குரூப் 2 பிரிவில் முதல் இடம் பிடித்து அரையிறுதிக்குத் தகுதியடைந்துள்ளது இந்திய அணி. அரையிறுதிக்கு இந்தியா, நியூசிலாந்து, இங்கிலாந்து, பாகிஸ்தான் ஆகிய 4 அணிகள் தகுதி பெற்றுள்ளன. இன்று, சிட்னியில் நடைபெறும் முதல் அரையிறுதியில் நியூசிலாந்து - பாகிஸ்தான் அணிகள் மோதவுள்ளன. நாளை (வியாழன்) அடிலெய்டில் நடைபெறவுள்ள 2-வது அரையிறுதியில் இந்தியா - இங்கிலாந்து அணிகள் மோதவுள்ளன.

இன்றைய ஆட்டத்தில் இரு அணிகளிலும் மாற்றம் எதுவுமில்லை. இந்த டி20 உலகக் கோப்பையில் சிட்னியில் முதலில் பேட்டிங் செய்த 6 அணிகளில் 5 அணிகளுக்கு வெற்றிகள் கிடைத்துள்ளன. இன்று மழை அறிகுறி எதுவும் இல்லாததால் பரபரப்பான ஆட்டத்தைக் காண ரசிகர்கள் ஆவலாக உள்ளார்கள். 
 

டி20 தரவரிசை: முதலிடம் பிடித்த இலங்கை பந்துவீச்சாளர்!

கால்பந்து உலகக் கோப்பைப் போட்டியை கத்தாருக்கு வழங்கியது தவறு: ஃபிஃபா முன்னாள் தலைவர்

தினேஷ் கார்த்திக்கா, ரிஷப் பந்தா?: ரோஹித் சர்மா பதில்