உலகக் கோப்பை கால்பந்து: ஜெர்மனியை வீழ்த்திய ஜப்பான்

உலகக் கோப்பை கால்பந்து போட்டியின் இன்றைய லீக் ஆட்டத்தில் ஜெர்மனியை ஜப்பான் வீழ்த்தி ஆச்சர்யம் அளித்துள்ளது.

கத்தாரில் 22-வது உலகக் கோப்பை கால்பந்து போட்டி ஞாயிற்றுக்கிழமை கோலாகலமாகத் தொடங்கியது. லீக் சுற்றில் 4 ஆட்டங்கள் நடைபெற்றன. 

இதில் ஜெர்மனி ஜப்பான் அணிகளுக்கிடையே போட்டி கலீஃபா சர்வதேச மைதானத்தில் நடைபெற்றது. இதில் ஜப்பான் அணி ஜெர்மனியை வீழ்த்தியது.

இதையும் படிக்க | ஆா்ஜென்டீனாவுக்கு அதிா்ச்சி அளித்த சவூதி அரேபியா

மிகுந்த பரபரப்புடன் நடந்த இந்தப் போட்டியில் ஆட்டத்தின் 32ஆவது நிமிடத்தில் கிடைத்த பெனால்ட்டி வாய்ப்பில் ஜெர்மனி தனது முதல் கோலை பதிவு செய்தது. அதனைத் தொடர்ந்து சூடுபிடித்த ஆட்டத்தின் இரண்டாவது பாதியில் தீவிரமாக விளையாடிய ஜப்பான் அடுத்தடுத்து 2 கோல்களை அடித்து ஆச்சர்யம் அளித்தது.

இறுதியில் ஜப்பான் 2க்கு 1 என்ற கோல் கணக்கில் ஜெர்மனியை வீழ்த்தியது. 
நேற்றைய ஆட்டத்தில் ஆர்ஜென்டீனாவுக்கு சவுதி அரேபியா அதிர்ச்சியளித்து வெற்றி பெற்ற நிலையில் இன்றைய ஆட்டத்தில் ஜப்பான் வென்றது உலகக் கோப்பை போட்டியை சூடிபிடிக்கச் செய்துள்ளது.