காதலியை மணந்தார் ஆஸி. கேப்டன் பேட் கம்மின்ஸ்

ஆஸி. டெஸ்ட் அணி கேப்டன் பேட் கம்மின்ஸ், தனது காதலியைத் திருமணம் செய்துகொண்டுள்ளார்.

29 வயது பேட் கம்மின்ஸ், ஆஸ்திரேலிய அணிக்காக 43 டெஸ்டுகள், 73 ஒருநாள், 39 டி20 ஆட்டங்களில் விளையாடியுள்ளார். கடந்த வருட டிசம்பர் மாதம் ஆஸ்திரேலிய டெஸ்ட் அணியின் கேப்டனாக நியமிக்கப்பட்டார். 

2013-ல் இங்கிலாந்தைச் சேர்ந்த பெக்கி பாஸ்டனைச் சந்தித்தார் பேட் கம்மின்ஸ். பிறகு இருவரும் காதலர்கள் ஆனார்கள். ஜூன் 2020-ல் இருவருக்கும் நிச்சயதார்த்தம் நடைபெற்றதை அறிவித்தார் கம்மின்ஸ். கடந்த வருடம் அக்டோபர் மாதம் இருவரும் ஆண் குழந்தைக்குப் பெற்றோர் ஆனார்கள். 

இந்நிலையில் 31 வயது பெக்கி பாஸ்டனைக் கடந்த சனிக்கிழமையன்று திருமணம் செய்துள்ள பேட் கம்மின்ஸ், திருமணப் புகைப்படத்தை ட்விட்டரில் பகிர்ந்துகொண்டுள்ளார். இத்திருமணத்தில் பிரபல கிரிக்கெட் வீரர்கள் ஜோஷ் ஹேஸில்வுட், நாதன் லயன், மிட்செல் ஸ்டார்க், டிம் பெயின் போன்றோர் கலந்துகொண்டார்கள். ஆஸ்திரேலியாவின் நியூ சவுத்வேல்ஸில் உள்ள கடற்கரை நகரமான பைரோன் பே-வில் இத்திருமணம் நடைபெற்றது. 

காதலியை மணந்தார் ஆஸி. கேப்டன் பேட் கம்மின்ஸ்

செஸ் ஒலிம்பியாட்: 8 வயது சிறுமி ஜெயித்த ஆட்டம் இதுதான்!

மோசமாக விளையாடினேன், மகிழ்ச்சி இல்லை: அதிருப்தியில் பிரக்ஞானந்தா