Enable Javscript for better performance
Asia Cup FTP Afghanistan Rashid Khan- Dinamani

உடனுக்கு உடன் செய்திகள்

    கூடுதல் சர்வதேச ஆட்டங்கள் தேவை: ரஷித் கான் கோரிக்கை

    By DIN  |   Published On : 30th August 2022 03:40 PM  |   Last Updated : 30th August 2022 03:40 PM  |  அ+அ அ-  |  

    rashid_khan_PTI05_10_2022_000276Bxx

     

    ஆப்கானிஸ்தான் அணி கூடுதலான சர்வதேச ஆட்டங்களில் விளையாட வேண்டும் என்று பிரபல கிரிக்கெட் வீரர் ரஷித் கான் கோரிக்கை விடுத்துள்ளார்.

    ஆசியக் கோப்பையின் முதல் ஆட்டத்தில் யாரும் எதிர்பாராதவிதமாக இலங்கையை வீழ்த்தியது ஆப்கானிஸ்தான். முதலில் பேட்டிங் செய்த இலங்கை 105 ரன்களுக்குச் சுருண்டது. அதைவிடவும் இந்த இலக்கை 10.1 ஓவர்களில் எட்டியது ஆப்கானிஸ்தான். இன்று தனது 2-வது ஆட்டத்தில் வங்கதேசத்தை எதிர்கொள்கிறது ஆப்கானிஸ்தான். 

    2023-27 கிரிக்கெட் அட்டவணையில் ஆப்கானிஸ்தான் அணி 21 டெஸ்டுகள், 45 ஒருநாள், 57 டி20 ஆட்டங்களில் விளையாடுகிறது. ஒட்டுமொத்தமாக 123 சர்வதேச ஆட்டங்கள். 2018-ல் டெஸ்ட் கிரிக்கெட்டுக்கு அறிமுகமான ஆப்கானிஸ்தான் அணி இதுவரை 6 டெஸ்டுகளில் மட்டுமே விளையாடியுள்ளது. ஆனால் 2023 முதல் அடுத்த 4 வருடங்களில் 21 டெஸ்டுகளை விளையாடவுள்ளது. 

    இந்நிலையில் பிரபல ஆப்கானிஸ்தான் வீரர் ரஷித் கான் கூறியதாவது:

    முன்பை விடவும் நிறைய இளைஞர்கள் அணியில் உள்ளார்கள். டி20 கிரிக்கெட்டில் விளையாடுவதில் ஆர்வமாக உள்ளார்கள். நிறைய டெஸ்ட் கிரிக்கெட்டுகளில் நாங்கள் விளையாடுவதில்லை. இது எங்கள் கையில் இல்லை. நாங்கள் அதிக அளவிலான சர்வதேச ஆட்டங்களில் விளையாட விருப்பமாக இருக்கிறோம். இதன்மூலம் எந்தளவுக்குத் திறமையை வளர்த்துக்கொள்ள வேண்டும் என்பதை இளம் வீரர்கள் அறிந்து கொள்வார்கள். நாங்கள் பல டி20 லீக் போட்டிகளில் விளையாடுவதால் சிறந்த வீரர்களிடமிருந்து பல விஷயங்களைக் கற்றுக்கொள்கிறோம். அந்த அனுபவத்தைச் சர்வதேச ஆட்டங்களில் வெளிப்படுத்துகிறோம். இதர வீரர்களுக்கும் இதைப் பகிர்கிறோம். நாங்கள் டி20 லீக் போட்டிகளில் அதிக அளவில் விளையாடுவது பேட்டர்களுக்குக் கூடுதல் உதவியாக இருக்கும். சர்வதேச ஆட்டம் இருந்தால் அதற்குத்தான் முன்னுரிமை அளிக்க வேண்டும். எதிர்காலத்தில் ஏராளமான சர்வதேச ஆட்டங்களில் விளையாடுவோம் என நம்புகிறேன் என்றார்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp