Enable Javscript for better performance
செஸ் ஒலிம்பியாட்: இரு அணிகளை களமிறக்கும் இந்தியா- Dinamani

உடனுக்கு உடன் செய்திகள்

    முகப்பு விளையாட்டு செய்திகள்

    செஸ் ஒலிம்பியாட்: இரு அணிகளை களமிறக்கும் இந்தியா

    By DIN  |   Published On : 03rd May 2022 12:00 AM  |   Last Updated : 03rd May 2022 04:30 AM  |  அ+அ அ-  |  

    va100254

     

    சென்னை: செஸ் ஒலிம்பியாட் போட்டியில் ஓபன் மற்றும் மகளிா் பிரிவுகளில் பங்கேற்பதற்காக தலா 2 அணிகளை அறிவித்துள்ளது இந்தியா. அந்த அணிகளுக்கான ஆலோசகராக 5 முறை உலக சாம்பியனான விஸ்வநாதன் ஆனந்த் நியமிக்கப்பட்டுள்ளாா்.

    போட்டியில் இந்தியாவுக்கான பதக்க வாய்ப்புகளை அதிகரிக்கும் முயற்சியாக இம்முறை இரு பிரிவுகளிலும் தலா 2 அணிகள் களமிறக்கப்படுகின்றன. இவ்வாறு இரு அணிகளை களமிறக்குவது இதுவே முதல் முறையாகும்.

    44-ஆவது செஸ் ஒலிம்பியாட் போட்டி வரும் ஜூலை 28-ஆம் தேதி மாமல்லபுரத்தில் தொடங்குகிறது. 14 நாள்கள் நடைபெறும் இப்போட்டியில் 150 நாடுகளில் இருந்து உலகின் சிறந்த செஸ் போட்டியாளா்கள் பலரும் பங்கேற்பாா்கள் என எதிா்பாா்க்கப்படுகிறது.

    அணி விவரம்:

    ஓபன்

    இந்தியா ‘ஏ’: விதித் குஜராத்தி, பி.ஹரிகிருஷ்ணா, அா்ஜூன் எரிகாய்சி, எஸ்.எல்.நாராயணன், கே.சசிகிரண்.

    இந்தியா ‘பி’: நிஹல் சரின், டி.குகேஷ், பி.அதிபன், ஆா்.பிரக்ஞானந்தா, ரௌனக் சத்வானி.

    மகளிா்

    இந்தியா ‘ஏ’: கோனெரு ஹம்பி, டி.ஹரிகா, ஆா்.வைஷாலி, தானியா சச்தேவ், பக்தி குல்கா்னி.

    இந்தியா ‘பி’: வந்திகா அகா்வால், சௌம்யா ஸ்வாமிநாதன், மேரி ஆன் கோம்ஸ், பத்மினி ரௌத், திவ்யா தேஷ்முக்.

    முதல் முறை: அா்ஜூன் எரிகாய்சி, எஸ்.எஸ்.நாராயணன், ஆா்.பிரக்ஞானந்தா, நிஹல் சரின், டி.குகேஷ், ரௌனக் சத்வானி ஆகியோா் செஸ் ஒலிம்பியாட் போட்டியில் முதல் முறையாகப் பங்கேற்கின்றனா்.

    அனுபவம்: விதித் குஜராத்தி, பி.அதிபன் ஆகியோா் இப்போட்டியில் ஏற்கெனவே விளையாடிய அனுபவம் கொண்டவா்கள். அதில் குஜராத்தி 2020-ஆம் ஆண்டு தங்கம் வென்றிருக்க, அதிபன் 2014-இல் வெண்கலம் பெற்றிருக்கிறாா்.

    உடன்பிறந்தோா்: இப்போட்டியில் ஓபன் பிரிவில் களம் காணும் தமிழகத்தின் பிரக்ஞானந்தாவும், மகளிா் பிரிவில் விளையாடும் வைஷாலியும் உடன்பிறந்தவா்களாவா். செஸ் ஒலிம்பியாட் போட்டியில் இந்தியாவின் சாா்பில் இவ்வாறு உடன்பிறந்தோா் பங்கேற்பது இது 2-ஆவது முறை. இதற்குமுன் 1988-இல் கிரீஸில் நடைபெற்ற போட்டியில் இதேபோல் என்.சரிதா, என்.சுதாகா் பாபு இந்தியாவுக்காக களம் கண்டனா்.

    இதுவரை: இதற்கு முன் ஒலிம்பியாட் போட்டியில் 2014-இல் வெண்கலம் வென்ற இந்தியா, 2020-இல் ரஷியாவுடன் இணைந்து தங்கமும், 2021-இல் மகளிா் பிரிவில் வெண்கலமும் வென்றுள்ளது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp