கே.எல். ராகுலுக்கு முழு ஆதரவு: டிராவிட் உறுதி

டி20 உலகக் கோப்பைப் போட்டியில் சரியாக விளையாடாத கே.எல். ராகுலுக்கு அணியின் முழு ஆதரவு உள்ளதாக தலைமைப் பயிற்சியாளர் ராகுல் டிராவிட் கூறியுள்ளார்.

30 வயது கே.எல். ராகுல் சமீபகாலமாக சரியாக விளையாடாததால் அவருக்குப் பதிலாக ரிஷப் பந்த் இந்திய அணியில் இடம்பெற வேண்டும் என்று பலரும் கூறி வருகிறார்கள். டி20 உலகக் கோப்பைப் போட்டியில் 4,9,9 எனக் குறைவான ரன்களே எடுத்துள்ளார். இந்நிலையில் கே.எல். ராகுல் பற்றி இந்திய அணியின் தலைமைப் பயிற்சியாளர் ராகுல் டிராவிட் கூறியதாவது:

தன்னுடைய திறமையை நிரூபித்தவர் கே.எல். ராகுல். இந்தப் போட்டி மேல்வரிசை வீரர்களுக்குச் சவாலாக அமைந்துள்ளது. ஆஸ்திரேலியாவுக்கு எதிரான பயிற்சி ஆட்டத்தில் ஸ்டார்க், கம்மின்ஸ் பந்துவீச்சை அருமையான எதிர்கொண்டார். அடுத்த மூன்று, நான்கு ஆட்டங்களில் நன்றாக விளையாடுவார் என எதிர்பார்க்கிறேன். வார்த்தைகளாலும் செயல்களாலும் ராகுலுக்கு அணியின் ஆதரவு உண்டு என்பதை அவர் அறிந்துள்ளார். ராகுலை முழுவதுமாக ஆதரிக்கிறோம். அவரைப் பற்றி எங்களுக்கு எவ்விதக் கவலையும் இல்லை. அவர் நன்றாக விளையாடும்போது தாக்கத்தை ஏற்படுத்துவார் என்றார்.

தென்னாப்பிரிக்காவுக்கு எதிராகத் தோல்வியடைந்த இந்திய அணி நாளை நடைபெறும் ஆட்டத்தில் வங்கதேசத்தை எதிர்கொள்கிறது.

தினேஷ் கார்த்திக்குக்கு இனிமேல் இந்திய அணியில் இடமுண்டா?: சேதன் சர்மா பதில்

இலங்கை வெற்றியால் அரையிறுதிக்கான போட்டியிலிருந்து வெளியேறிய ஆப்கானிஸ்தான்!