லக்னௌக்கு 136 ரன்கள் இலக்கு நிர்ணயித்த குஜராத் டைட்டன்ஸ்

லக்னௌ சூப்பர் ஜெயண்ட் அணிக்கு எதிராக முதலில் பேட் செய்த குஜராத் டைட்டன்ஸ் 6 விக்கெட்டுகள் இழப்புக்கு 135 ரன்கள் குவித்துள்ளது.

ஐபிஎல் இன்றையப் போட்டியில் லக்னௌ சூப்பர் ஜெயண்ட்ஸ் மற்றும் குஜராத் டைட்டன்ஸ் அணிகள் விளையாடி வருகின்றன. இந்தப் போட்டி உத்தர பிரதேசத்தில் உள்ள அடல் பிகாரி வாஜ்பாய் மைதானத்தில் நடைபெற்று வருகிறது.

இந்தப் போட்டியில் டாஸ் வென்ற குஜராத் டைட்டன்ஸ் பேட்டிங்கைத் தேர்வு செய்தது. இதனையடுத்து, அந்த அணியின் தொடக்க ஆட்டக்காரர்களாக விருத்திமான் சாஹா மற்றும் சுப்மன் கில் களமிறங்கினர். குஜராத் அணிக்கு தொடக்கமே அதிர்ச்சியாக அமைந்தது. சுப்மன் கில் 0 ரன்னில் ஆட்டமிழந்து அதிர்ச்சியளித்தார். அதன்பின் களமிறங்கியவர்கள் அனைவரும் சொற்ப ரன்களில் ஆட்டமிழக்க அந்த அணியிம் கேப்டன் ஹார்திக் பாண்டியா மற்றும் விருத்திமான் சாஹா நிதான ஆட்டத்தை வெளிப்படுத்தினர். இதனால் அணியின் ரன் ஓரளவுக்கு உயர்ந்தது. நிதானமாக விளையாடிய சாஹா 47 ரன்களில் ஆட்டமிழந்து வெளியேறினார். அதில் 6 பவுண்டரிகள் அடங்கும். கடைசி கட்டத்தில் கேப்டன் ஹார்திக் பாண்டியா சிறிது அதிரடி காட்ட அந்த அணியின் ரன்கள் சற்று உயர்ந்தது. அவர் 50 பந்துகளில் 66 ரன்கள் குவித்தார். அதில் 2 பவுண்டரிகள் மற்றும் 4 சிக்ஸர்கள் அடங்கும்.

இறுதியில், நிர்ணயிக்கப்பட்ட 20 ஓவர்களின் முடிவில் அந்த அணி 6 விக்கெட்டுகளை இழந்து 135 ரன்கள் குவித்தது. லக்னௌ தரப்பில் க்ருணால் பாண்டியா மற்றும் ஸ்டொய்னிஸ் தலா 2 விக்கெட்டுகளையும், நவீன் உல் ஹக் மற்றும் அமித் மிஸ்ரா தலா ஒரு விக்கெட்டினையும் கைப்பற்றினர்.

136 ரன்கள் எடுத்தால் வெற்றி என்ற இலக்கை நோக்கி விளையாடி வருகிறது லக்னௌ சூப்பர் ஜெயண்ட்ஸ் அணி.