ஆசிய சாம்பியன்ஸ் ஹாக்கி தொடரில் ஜப்பான் அணியை 1-3 என்ற கோல் கணக்கில் வீழ்த்தி, முதல் அணியாக அரையிறுதிக்கு மலேசியா முன்னேறியுள்ளது.
ஆசிய சாம்பியன்ஸ் ஹாக்கி தொடரில் 3 வெற்றி, 1 தோல்வி என 9 புள்ளிகளுடன் மலேசியா அணி முதலிடத்தில் உள்ளது.
ஆசிய சாம்பியன்ஸ் கோப்பை ஹாக்கி போட்டியின் 7-ஆவது எடிஷன், சென்னையில் வியாழக்கிழமை தொடங்கியது. இன்று (ஆக. 7) நடைபெற்ற போட்டியில் ஜப்பான் - மலேசியா அணிகள் மோதின.
விறுவிறுப்பாக நடைபெற்ற இந்த ஆட்டத்தில், 1-3 என்ற கோல் கணக்கில் ஜப்பான் அணியை மலேசியா வீழ்த்தியது. இதன்மூலம் அரையிறுதிக்குள் நுழையும் வாய்ப்பையும் பெற்றுள்ளது.
இன்று இரவு நடைபெறவுள்ள இந்தியா - கொரியா அணிகளுக்கிடையேயான போட்டி டிரா ஆனாலே, இந்திய அணியின் அரையிறுதி வாய்ப்பு உறுதியாகும்.