தென்னாப்பிரிக்காவுக்கு எதிரான இரண்டாவது டெஸ்ட் போட்டியில் நியூசிலாந்து அணியின் வெற்றிக்கு இன்னும் 227 ரன்கள் தேவைப்படுகின்றன.
தென்னாப்பிரிக்க அணி நியூசிலாந்தில் சுற்றுப்பயணம் மேற்கொண்டு விளையாடி வருகிறது. இரு அணிகளுக்கும் இடையிலான டெஸ்ட் தொடரின் இரண்டாவது மற்றும் கடைசி போட்டி தற்போது நடைபெற்று வருகிறது. இந்தப் போட்டியில் தென்னாப்பிரிக்க அணி தனது முதல் மற்றும் இரண்டாவது இன்னிங்ஸில் முறையே 242 ரன்கள் மற்றும் 235 ரன்களுக்கு ஆட்டமிழந்தது. நியூசிலாந்து அணி தனது முதல் இன்னிங்ஸில் 211 ரன்களுக்கு ஆட்டமிழந்தது. நியூசிலாந்து அணிக்கு 267 ரன்கள் இலக்காக நிர்ணயிக்கப்பட்டது. போட்டியின் மூன்றாம் நாளான இன்று ஆட்ட நேர முடிவில் நியூசிலாந்து அணி 1 விக்கெட்டை இழந்து 40 ரன்கள் எடுத்துள்ளது.
போட்டி முடிவடைய இன்னும் இரண்டு நாள்கள் இருக்க நியூசிலாந்தின் வெற்றிக்கு 227 ரன்களே தேவைப்படுகின்றன. டாம் லாதம் 21 ரன்களுடன் களத்தில் உள்ளார். இரண்டு போட்டிகள் கொண்ட டெஸ்ட் தொடரில் முதல் போட்டியில் நியூசிலாந்து 281 ரன்கள் வித்தியாசத்தில் தென்னாப்பிரிக்காவை வீழ்த்தியது குறிப்பிடத்தக்கது.
