ஆசிய கிரிக்கெட் கவுன்சிலின் தலைவராக பாகிஸ்தான் கிரிக்கெட் வாரியத் தலைவர் மோஷின் நக்வி நியமிக்கப்பட உள்ளதாக தகவல் வெளியாகியுள்ளது.
பிசிசிஐ செயலர் ஆசிய கிரிக்கெட் கவுன்சிலின் தலைவராக பதவி வகித்து வருகிறார். சுழற்சி முறையில் இந்த ஆண்டின் இறுதியில் ஆசிய கிரிக்கெட் கவுன்சிலின் புதிய தலைவராக பாகிஸ்தான் கிரிக்கெட் வாரியத் தலைவர் மோஷின் நக்வி நியமிக்கப்பட உள்ளதாக தகவல் வெளியாகியுள்ளது.
இது தொடர்பாக ஆசிய கிரிக்கெட் கவுன்சிலின் தகவலறிந்த வட்டாரங்கள் தரப்பில் தெரிவித்திருப்பதாவது: ஆசிய கிரிக்கெட் கவுன்சிலின் அடுத்த தலைவராக பாகிஸ்தான் கிரிக்கெட் வாரியத் தலைவர் மோஷின் நக்வி நியமிக்கப்பட உள்ளார். இந்த ஆண்டு நடைபெறவுள்ள ஆசிய கிரிக்கெட் கவுன்சில் கூட்டத்தில் அவரை அடுத்த தலைவராக ஆசிய கிரிக்கெட் கவுன்சில் அறிவிக்கும். அவர் இரண்டு ஆண்டுகளுக்கு தலைவர் பொறுப்பில் தொடர்வார் எனத் தெரிவிக்கப்பட்டுள்ளது.
ஆசிய கோப்பை கிரிக்கெட் தொடர் அடுத்த ஆண்டு இந்தியாவிலும், வருகிற 2027 ஆம் ஆண்டு நடைபெறவுள்ள தொடர் வங்கதேசத்திலும் நடத்தப்படும் என ஆசிய கிரிக்கெட் கவுன்சில் நேற்று (ஜூலை 29) அறிவித்தது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.
