ஆஸ்திரேலியாவை பழித்தீர்க்குமா இந்தியா? 

19 வயதுக்குட்பட்டோருக்கான உலகக் கோப்பையில் பாகிஸ்தானை ஒரு விக்கெட் வித்தியாசத்தில் வீழ்த்தி ஆஸ்திரேலியா த்ரில் வெற்றி பெற்று இறுதிப்போட்டிக்கு முன்னேறியது. 

ஏற்கனவே இறுதிப்போட்டிக்கு தேர்வான இந்திய அணியுடன் ஆஸி. அணி வருகிற பிப்ரவரி 11 ஆம் தேதி (ஞாயிற்றுக் கிழமை) இறுதிப்போட்டியில் மோதவுள்ளது. இந்தப் போட்டியிலாவது இந்திய அணி வெல்லுமா என ரசிகர்கள் ஆவலுடன் காத்திருக்கிறார்கள். 

இதையும் படிக்க: பழைய நண்பரை மறக்காத தோனி: வைரலாகும் புகைப்படம்!

ஏனெனில் உலக டெஸ்ட் சாம்பியன்ஷிப் 2023, ஒருநாள் உலகக் கோப்பை 2023இல் இந்திய அணி இறுதிப் போட்டியில் ஆஸ்திரேலியாவிடம் தோல்வியடைந்தது. இது இந்திய ரசிகர்கள் மத்தியில் சோகத்தை ஏற்படுத்தியது. 

மூத்த வீரர்கள் சார்பில் இளம் வீரர்கள் ஆஸி. அணியை பழித்தீர்க்க வேண்டுமென ரசிகர்கள் இணையத்தில் கருத்து தெரிவித்து வருகின்றனர்.