இறுதிப் போட்டிக்கு தேர்வானது பார்சிலோனா!

ஸ்பானிஷ் சூப்பர் கோப்பை அரையிறுதியில் பார்சிலோனா - அத்லெடிக் பில்பாவ் அணிகள் கிங் அப்துல்லா ஸ்போர்ட்ஸ் சிட்டி ஆடுகளத்தில் மோதிய அரையிறுதிப் போட்டியில் பார்சிலோனா 2-0 என அபாரமாக வெற்றி பெற்றது.

இதன்மூலம் பார்சிலோனா அணி ஸ்பானிஷ் சூப்பர் கோப்பை இறுதிப் போட்டிக்கு தேர்வாகியுள்ளது.

பார்சிலோனா அணியில் 17 நிமிஷத்திலும் 52ஆவது நிமிஷத்திலும் முறையே கவி, லாமின் யமால் கோல் அடித்து அசத்தினார்கள்.

மற்றுமொரு அரையிறுதியில் ரியல் மாட்ரிட் அணியுடன் மல்லோர்கா அணி மோதுகிறது. இந்தப் போட்டி இந்திய நேரப்படி ஜன.10ஆம் தேதி நள்ளிரவு 12.30 மணிக்கு நடைபெறுகிறது.

இதுவரை ஸ்பானிஷ் சூப்பர் கோப்பை தொடரில் பார்சிலோனா அணி 14 முறை வென்றுள்ளது குறிப்பிடத்தக்கது. ரியல் மாட்டிட் 13 முறை வென்று இந்தப் பட்டியலில் இரண்டாம் இடத்தில் உள்ளது.

இறுதிப் போட்டி ஜன.13 இந்திய நேரப்படி நள்ளிரவு 12.30 மணிக்கு நடைபெறும். இறுதிப் போட்டியில் மீண்டும் ரியல் மாட்ரிட் - பார்சிலோனா அணிகள் மோதினால் எல் கிளாசிக்கோ போட்டியாக அமையும்.

கால்பந்து ரசிகர்கள் இந்தப் போட்டிக்கு மிகுந்த ஆவலுடன் காத்திருக்கிறார்கள்.