காமன்வெல்த் கபடி: இறுதிக்கு முன்னேறியது இந்தியா

காமன்வெல்த் கபடி சாம்பியன்ஷிப்பின் 8-ஆவது நாளான வெள்ளிக்கிழமை, இந்திய மகளிா் அணி தனது அரையிறுதியில் 39-14 என இலங்கையை வீழ்த்தி இறுதிக்கு முன்னேறியது. அதில் உகாண்டாவை சனிக்கிழமை (அக். 31) சந்திக்கிறது.

முன்னதாக, இந்த அரையிறுதியில், இந்திய அணியில் சாக்ஷி 8 ரைடு புள்ளிகள், 3 டேக்கிள் புள்ளிகளுடன் 11 புள்ளிகள் எடுத்து முன்னிலை வகித்தாா். கேப்டன் நிதி சா்மா 2 போனஸ் புள்ளிகள் உள்பட 12 ரைடுகளில் 10 புள்ளிகளைச் சோ்த்தாா். ரித்து 4, சுமன் 3 புள்ளிகளைப் பெற்றுத் தந்தனா். இந்திய அணி 21 ரைடு புள்ளிகள், 12 டேக்கிள் புள்ளிகளைப் பெற்றதுடன், மூன்று முறை ’ஆல்-அவுட்’ செய்தது.

இலங்கை அணியில் அதிகபட்சமாக திலுக்ஷனா 5 போனஸ் புள்ளிகள் உள்பட 6 புள்ளிகளைப் பெற்றாா். பிரியவா்ணா ஒரு ’சூப்பா் டேக்கிள்’ செய்தாா்.

மற்றொரு அரையிறுதியில், உகாண்டா 23-21 என்ற புள்ளிகள் கணக்கில் கென்யாவை வென்றது. உகாண்டா அணியில் நகயோங்கோ ஷிரத், நல்வோகா நஹியா தலா 8 புள்ளிகள் எடுத்து அணியை வழிநடத்தினா். உகாண்டா அணி 17 ரைடு புள்ளிகள், 4 டேக்கிள் புள்ளிகளைப் பெற்றதுடன், ஒருமுறை ’ஆல்-அவுட்’ செய்தது.

இந்திய - உகாண்டா மோதும் இறுதி ஆட்டம் சனிக்கிழமை இரவு 7:30 மணிக்கு நடைபெறும். லீக் சுற்றில் இந்திய அணி 41-18 என்ற கணக்கில் உகாண்டாவை வென்றிருந்தது குறிப்பிடத்தக்கது.