Enable Javscript for better performance
T20 World Cup West Indies- Dinamani

சுடச்சுட

    இரு பயிற்சி ஆட்டங்களிலும் தோல்வி: மீண்டு வருமா மேற்கிந்தியத் தீவுகள் அணி?

    By DIN  |   Published on : 21st October 2021 11:21 AM  |   அ+அ அ-   |    |  

    west_indies_2016_LIB_2016APRPTI122_22-06-2016_14_53_5_06507763

     

    டி20 உலகக் கோப்பைப் போட்டிக்காக விளையாடிய இரு பயிற்சி ஆட்டங்களிலும் நடப்பு சாம்பியனான  மேற்கிந்தியத் தீவுகள் அணி தோல்வியடைந்துள்ளது.

    டி20 உலகக் கோப்பை - ஐக்கிய அரபு அமீரகம் மற்றும் ஓமனில் அக்டோபர் 17 முதல் நவம்பர் 14 வரை நடைபெறுகிறது. துபை, அபுதாபி, ஷார்ஜா, ஓமன் என நான்கு பகுதிகளில் டி20 உலகக் கோப்பை நடைபெறவுள்ளது. இந்தியாவில் நடத்தப்படவிருந்த டி20 உலகக் கோப்பை போட்டி, கரோனா சூழல் காரணமாக ஐக்கிய அரபு அமீரகத்துக்கு மாற்றப்பட்டுள்ளது. தகுதிச்சுற்று ஆட்டங்கள் முடிந்தபிறகு அதிலிருந்து தேர்வாகும் 4 அணிகள், ஏற்கெனவே தேர்வான 8 அணிகளுடன் இணைந்து பிரதான சுற்றான சூப்பர் 12-ல் அக்டோபர் 23 முதல் போட்டியிடவுள்ளன. 

    சூப்பர் 12-க்கு முன்பே தகுதி பெற்ற 8 அணிகளும் பயிற்சி ஆட்டங்களில் விளையாடியுள்ளன. இந்திய அணி இரு ஆட்டங்களிலும் வெற்றி பெற்ற நிலையில் நடப்பு சாம்பியனான மேற்கிந்தியத் தீவுகள் அணி இரு பயிற்சி ஆட்டங்களிலும் தோல்வியடைந்துள்ளது.

    பாகிஸ்தானுக்கு எதிரான முதல் பயிற்சி ஆட்டத்தில் 7 விக்கெட் வித்தியாசத்தில் மே.இ. தீவுகள் அணி தோல்வியடைந்துள்ளது. அந்த ஆட்டத்தில் மே.இ. தீவுகள் அணி 130/7 ரன்கள் மட்டுமே எடுத்தது. எந்த ஒரு பேட்ஸ்மேனும் 30 ரன்கள் கூட எடுக்காமல் ஏமாற்றமளித்தார்கள்.

    அடுத்த ஆட்டத்தில் மே.இ. தீவுகள் அணியை 56 ரன்கள் வித்தியாசத்தில் தோற்கடித்துள்ளது ஆப்கானிஸ்தான் அணி. முதலில் பேட்டிங் செய்த ஆப்கானிஸ்தான் அணி 20 ஓவர்களில் 5 விக்கெட் இழப்புக்கு 189 ரன்கள் எடுத்தது. ஆப்கானிஸ்தானின் இரு தொடக்க வீரர்களும் அரை சதமெடுத்தார்கள். பதிலுக்கு மே.இ. தீவுகள் அணி, 20 ஓவர்களில் 5 விக்கெட் இழப்புக்கு 133 ரன்கள் மட்டுமே எடுத்தது. சேஸ் அரை சதமெடுத்தார். 

    கடைசியாக டி20 உலகக் கோப்பை 2016-ல் நடைபெற்றது. அதில் சாம்பியனான மே.இ. தீவுகள் அணி, தற்போது இரு பயிற்சி ஆட்டங்களிலும் தோல்வியடைந்துள்ளது. 

    டி20 உலகக் கோப்பையை இருமுறை வென்ற ஒரே அணி என்கிற பெருமை மே.இ. தீவுகள் அணிக்குத்தான் உள்ளது. ஆனால் 2016 டி20 உலகக் கோப்பைப் போட்டிக்குப் பிறகு விளையாடிய 67 ஆட்டங்களில் 24-ல் மட்டுமே வெற்றி பெற்ற மே.இ. தீவுகள் அணி 36-ல் தோல்வியடைந்துள்ளது. சூப்பர் 12 சுற்றுக்குத் தகுதி பெற்ற 8 அணிகளில் குறைவான வெற்றி/தோல்வி விகிதம் (0.666) உள்ள அணி மே.இ. தீவுகள் அணி தான். 

    நடப்பு சாம்பியன், இருமுறை டி20 உலகக் கோப்பை சாம்பியன் என்கிற பெருமைகளை உடைய மே.இ. தீவுகள் அணி 2021 டி20 உலகக் கோப்பைப் போட்டியில் எப்படி விளையாடும் என்பது அனைவருக்கும் புதிரான ஒன்றாக உள்ளது. பயிற்சி ஆட்டங்களில் கிடைத்த தோல்விகளில் இருந்து அந்த அணி மீண்டு வருமா?
     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp