முழு அடைப்பு: புதுச்சேரியில் இயல்பு வாழ்க்கை பாதிப்பு

புதுச்சேரியில் முழு அடைப்பு போராட்டத்தால் பொதுமக்களின் இயல்பு வாழ்க்கை கடுமையாக பாதிக்கப்பட்டுள்ளது. 

காவிரி மேலாண்மை வாரியம் அமைக்க வலியுறுத்தி புதுச்சேரியிலும் முழு கடையடைப்பு போராட்டம் இன்று நடைபெற்று வருகிறது. முழு அடைப்பு போராட்டத்தால் அரசு பேருந்துகள், ஆட்டோக்கள், தனியார் பேருந்துகள் இயங்கவில்லை.

தமிழக அரசு பேருந்துகள் மட்டும் போலீஸ் பாதுகாப்புடன் இயங்கி வருகிறது. புதுச்சேரியில் உள்ள அனைத்து தனியார் பள்ளிகளுக்கும் இன்று விடுமுறை அளிக்கப்பட்டுள்ளது.

மேலும் வர்த்தக நிறுவனங்கள், பெரும்பாலான கடைகளும் மூடப்பட்டுள்ளன. இதனால் பொதுமக்களின் இயல்பு வாழ்க்கை கடுமையாக பாதிக்கப்பட்டுள்ளது.