சூரியன் இல்லாமல் விடியல் வருமா என்பதை போல் உள்ளது கருணாநிதியின் மறைவு: வைரமுத்து 

சூரியன் இல்லாமல் விடியல் வருமா என்பதை போல் உள்ளது கருணாநிதியின் மறைவு என்று கவிஞர் வைரமுத்து தெரிவித்துள்ளார். 

திமுக கருணாநிதி உடல் நல்லடக்கம் செய்யப்பட்ட சென்னை மெரினாவில் மக்கள் தொடர்ந்து கண்ணீர் அஞ்சலி செலுத்தி வருகின்றனர். கொட்டும் மழையும் பொருட்படுத்தாமல் மக்கள் விடிய விடிய அஞ்சலி செலுத்தினர்.

இந்நிலையில் கருணாநதியின் சமாதியில் கவிஞர் வைரமுத்து இன்று காலை தனது மகன்கள் மதன் கார்க்கி, கபிலனுடன் வந்து அஞ்சலி செலுத்தினார். அவர், பால் தெளித்தும், மலர்தூவியும் மரியாதை செலுத்தினார். 

பின்னர் அவர் செய்தியாளர்களுக்கு அளித்த பேட்டியில்,
இலக்கியம், சொற்பொழிவு உள்ளிட்டவைகளில் கருணாநிதி வாழ்ந்து கொண்டிருக்கிறார். தந்தைக்கு செய்ய வேண்டிய இறுதிக்கடமையாக கருணாநிதி சமாதியில் பால் ஊற்றி செல்கிறேன்.

சூரியன் இல்லாமல் விடியல் வருமா என்பதை போல் உள்ளது கருணாநிதியின் மறைவு என்றார்.