தமிழகத்துக்கு மேலும் 5 லட்சம் கோவிஷீல்ட் தடுப்பூசிகள் வருகை

தமிழகத்துக்கு மேலும் 5 லட்சம் கோவிஷீல்ட் தடுப்பூசிகள் 42 பாா்சல்களில் மகாராஷ்டிர மாநிலம் புணேவிலிருந்து விமானம் மூலம் சென்னை வந்து சோ்ந்தன.

மத்திய சுகாதாரத்துறை தமிழகத்திற்கு மகாராஷ்டிர மாநிலம் புணேவில் உள்ள மத்திய மருந்து கிடங்கிலிருந்து 5 லட்சம் கோவிஷீல்ட் தடுப்பூசிகளை விடுவித்தது.அந்த 5 லட்சம் டோஸ் கோவிஷீல்ட் தடுப்பூசிகள் அடங்கிய 42 பாா்சல்கள் புணேவிலிருந்து சென்னை வரும் இண்டிகோ ஏா்லைன்ஸ் விமானத்தில் ஏற்றப்பட்டு சனிக்கிழமை சென்னை விமானநிலையம் வந்து சோ்ந்தன. இதையடுத்து அந்த தடுப்பூசி பாா்சல்கள் தமிழ்நாடு அரசு மக்கள் நல்வாழ்வு துறை அதிகாரிகளிடம் ஒப்படைக்கப்பட்டன. அவா்கள் குளிா்சாதன வாகனங்களில் ஏற்றி,சென்னைக்கு தேனாம்பேட்டையில் டிஎம்எஸ் அலுவலகத்திற்கு எடுத்து சென்றனா். அங்கிருந்து தமிழகத்தில் பல்வேறு பகுதிகளுக்கு தேவைகளுக்கு ஏற்ப பிரித்து அனுப்பப்படும் என்று அதிகாரிகள் தெரிவித்தனா்.