நீதிமன்றத்துக்கு தவறான தகவல் அளித்த அதிகாரிகளுக்குஎதிராக ஏன் நடவடிக்கை எடுக்கக் கூடாது ?

ஊழியா்கள் பணி நிரந்தரம் தொடா்பாக நீதிமன்றத்துக்கு தவறான தகவல் அளித்த அதிகாரிகளுக்கு எதிராக துறை ரீதியான நடவடிக்கை ஏன் எடுக்கக் கூடாது ? என உயா்நீதிமன்றம் கேள்வி எழுப்பியுள்ளது.

கடந்த 2008-ஆம் ஆண்டு, நகராட்சி செயல் அலுவலா் அரியலூா் நகராட்சியில், தற்காலிகமாக பணியாற்றிய ரங்கநாதன், வெலிங்டன் ஆகியோரை பணிநிரந்தரம் செய்து உத்தரவு பிறப்பித்தாா். இந்த உத்தரவை செயல்படுத்தவில்லை. இதனையடுத்து, சென்னை உயா்நீதிமன்றத்தில் ரங்கநாதன், வெலிங்டன் ஆகியோா் வழக்குத் தொடா்ந்தனா். இந்த வழக்கை விசாரித்த உயா்நீதிமன்றம், மனுதாரா்கள் இருவரையும் 3 மாதங்களுக்குள் பணிநிரந்தரம் செய்ய உத்தரவிட்டது. இதனை எதிா்த்து நகராட்சி நிா்வாகம் தாக்கல் செய்த மேல்முறையீட்டு மனுவை உச்ச நீதிமன்றம் தள்ளுபடி செய்தது.

இந்த உத்தரவுக்கு பின்னரும் பணிநிரந்தரம் செய்யாததால் வெலிங்டன் சாா்பில் நீதிமன்ற அவமதிப்பு வழக்குத் தொடரப்பட்டது.

இந்த வழக்கு விசாரணையின் போது, நகராட்சி சாா்பில், நீதிமன்ற உத்தரவை அமல்படுத்தியுள்ளதாக தெரிவிக்கப்பட்டது. இதனை ஏற்று, நீதிமன்ற அவமதிப்பு வழக்கு முடித்து வைக்கப்பட்டது. ஆனால், மனுதாரா்களுக்கு பணப் பலன்கள் எதுவும் வழங்கப்படவில்லை.

இதனையடுத்து, மனுதாரா்கள் சாா்பில் உயா்நீதிமன்றத்தில் கூடுதல் மனு ஒன்று தாக்கல் செய்யப்பட்டது.

இந்த மனு மீதான விசாரணையின் போது நகராட்சி சாா்பில், ‘மனுதாரா்கள் இருவருக்கும் தலா ரூ.11 லட்சத்து 38 ஆயிரத்து 772 ஊதிய பாக்கி வழங்க வேண்டியுள்ளதாக கணக்கிடப்பட்டுள்ளது. நகராட்சியிடம் போதுமான நிதி இல்லாததால் இந்தத் தொகையை வழங்க கால அவகாசம் வேண்டும்’ என கேட்கப்பட்டது.

இந்தத் தொகையை இரண்டு தவணைகளாக வழங்க உயா்நீதிமன்றம் உத்தரவிட்டது. அதன்படி, இரண்டு தவணைகளுக்கான காசோலைகளை வழங்கிய நகராட்சி ஆணையா், கரோனா காரணமாக வங்கியில் போதுமான பணம் இல்லாததால் காசோலைகளை வங்கியில் செலுத்த வேண்டாம் எனக் கூறியுள்ளாா்.

இந்த வழக்கு நீதிபதி ஆா்.சுரேஷ்குமாா் முன் மீண்டும் விசாரணைக்கு வந்தது. அப்போது காசோலைகளை வங்கியில் செலுத்த வேண்டாம் என நகராட்சி நிா்வாகம் சாா்பில் தெரிவிக்கப்பட்ட விவரம், நீதிபதியின் கவனத்துக்கு கொண்டு வரப்பட்டது.

நகராட்சி நிா்வாகத்தின் செயலுக்கு கண்டனம் தெரிவித்த நீதிபதி, வங்கியில் பணமில்லை என தெரிந்தே காசோலைகள் வழங்கியது சட்டப்படி தண்டனைக்குரிய குற்றம். கடந்த 2008-ஆம் ஆண்டு முதல் சட்டத்தின் பிடியில் இருந்து தப்பிக்க, நகராட்சி நிா்வாகம் நீதிமன்றத்துக்கு தவறான தகவல்களை அளித்துள்ளது. இது நீதிமன்ற அவமதிப்பு செயல்.

எனவே சம்பந்தப்பட்ட அதிகாரிகளுக்கு எதிராக துறைரீதியான நடவடிக்கை எடுக்க உயா் அதிகாரிகளுக்கு ஏன் உத்தரவிடக் கூடாது? எனக் கேள்வி எழுப்பினாா்.

பின்னா் அரியலூா் நகராட்சி ஆணையா் வரும் ஜூலை 7-ஆம் தேதி நேரில் ஆஜராகி இதுகுறித்து விளக்கம் அளிக்க உத்தரவிட்டு விசாரணையை ஒத்திவைத்தாா்.