ராணிப்பேட்டை: 2 தாலுகாக்களில் பள்ளி, கல்லூரிகளுக்கு இன்று(டிச.12) விடுமுறை

கனமழை காரணமாக அரக்கோணம், நெமிலி தாலுகாக்களில் பள்ளி, கல்லூரிகளுக்கு இன்று விடுமுறை அறிவிக்கப்பட்டுள்ளது. 

மாண்டஸ் புயல் ஆழ்ந்த காற்றழுத்தத் தாழ்வு மண்டலமாக வலுகுறைந்து, வட தமிழக பகுதிகளில் நிலவுவதால், இரண்டு நாள்களுக்கு (டிச.12, 13) மிதமான மழைக்கு வாய்ப்பு இருக்கும் என சென்னை வானிலை ஆய்வு மையம் தெரிவித்தது.

இதனிடையே சென்னை, செங்கல்பட்டு, திருவள்ளூர், காஞ்சிபுரம், ராணிப்பேட்டை, விழுப்புரம், கடலூர், வேலூர், கிருஷ்ணகிரி, தருமபுரி, ஈரோடு உள்ளிட்ட 33 மாவட்டங்களில் அடுத்த 3 மணி நேரத்தில் மிதமான மழைக்கு வாய்ப்பு உள்ளதாக வானிலை ஆய்வு குறிப்பிட்டுள்ளது. 

இதையும் படிக்க- குஜராத் முதல்வராக இன்று பதவியேற்கிறாா் பூபேந்திர படேல்: மோடி, அமித் ஷா பங்கேற்பு

இந்த நிலையில் காலை முதல் கனகழை பெய்து வருவதால் அரக்கோணம், நெமிலி தாலுகாக்களில் பள்ளி, கல்லூரிகளுக்கு இன்று விடுமுறை அறிவித்து மாவட்ட நிர்வாகம் உத்தரவிட்டுள்ளது.