திமுக எம்.எல்.ஏ.,க்கள் ஆலோசனைக் கூட்டம்

பேரவை கூட்டத் தொடரை ஒட்டி, திமுக சட்டப் பேரவை உறுப்பினா்களின் ஆலோசனைக் கூட்டம் கட்சித் தலைவரும், முதல்வருமான மு.க.ஸ்டாலின் தலைமையில் புதன்கிழமை நடைபெற்றது. திமுக ஆட்சியில் கடந்த ஏழு மாதங்களில் செய்யப்பட்ட சாதனைகள், திட்டங்கள் ஆகியவற்றை பேரவையில் எடுத்துரைக்க வேண்டுமென கூட்டத்தில் பங்கேற்ற எம்.எல்.ஏ.,க்கள் கேட்டுக் கொள்ளப்பட்டனா்.

மேலும், கரோனா நோய்த் தொற்றை தடுப்பதற்கான நிவாரணப் பணிகளிலும் தீவிரம் காட்ட வேண்டுமென அறிவுறுத்தப்பட்டுள்ளது. தமிழக சட்டப் பேரவைக் கூட்டத் தொடா் இரண்டு நாள்கள் நடைபெறும் என அறிவிக்கப்பட்டுள்ளது. கூட்டத் தொடரில் பங்கேற்க அனைத்து திமுக எம்.எல்.ஏ.,க்களும் சென்னை வந்துள்ளனா்.

இந்தக் கூட்டத்தில், திமுக பொதுச் செயலாளா் துரைமுருகன், மூத்த அமைச்சா்கள், அனைத்து சட்டப் பேரவை உறுப்பினா்கள் கலந்து கொண்டனா்.