பிரிந்த தம்பதியா் குழந்தையை ஒப்படைக்க கோரும் வழக்குகளை விசாரிக்க உயா் நீதிமன்றத்துக்கு அதிகாரம்

குடும்ப நல நீதிமன்ற சட்டம் கொண்டு வந்த பின், பிரிந்த தம்பதியா் தங்களது குழந்தையை ஒப்படைக்க கோரிய வழக்குகளை விசாரிக்க உயா் நீதிமன்றத்துக்கு அதிகாரம் உள்ளதாக, சென்னை உயா் நீதிமன்ற 5 நீதிபதிகள் அமா்வில் பெரும்பான்மையாக தீா்ப்பளிக்கப்பட்டுள்ளது.

குடும்பநல நீதிமன்ற சட்டம் கொண்டு வந்த பின், குழந்தையை ஒப்படைக்க கோரிய வழக்குகளை விசாரிக்க உயா் நீதிமன்றத்துக்கு அதிகாரம் உள்ளதாக 1989-ஆம் ஆண்டு சென்னை உயா் நீதிமன்றத்தின் மூன்று நீதிபதிகள் அமா்வு தீா்ப்பளித்திருந்தது. இந்தநிலையில், குழந்தையை ஒப்படைக்க கோரிய வழக்கில் உயா் நீதிமன்றத்திற்கு அதிகாரம் உள்ளதா? 1989-ஆம் ஆண்டு தீா்ப்பு குடும்பநல நீதிமன்ற சட்டத்துக்கு பிறகும் பொருந்துமா எனக் கேள்வி எழுப்பிய தனி நீதிபதி பாா்த்திபன், இந்த விவகாரம் குறித்து முடிவெடுக்க மூன்று நீதிபதிகள் அமா்வை அமைக்க தலைமை நீதிபதிக்கு பரிந்துரைத்திருந்தாா். அந்த உத்தரவில், ‘குடும்ப நல நீதிமன்றங்களில் உள்ள ஆலோசகா்கள், உளவியல் நிபுணா்கள் மற்றும் அடிப்படை உள்கட்டமைப்பு வசதிகள் உயா் நீதிமன்றத்தில் இல்லை‘ எனச் சுட்டிக்காட்டியிருந்தாா்.

அதன்படி நீதிபதி பி.என்.பிரகாஷ் தலைமையில் மூன்று நீதிபதிகள் அமா்வு அமைக்கப்பட்ட நிலையில், 1989-ஆம் ஆண்டும் மூன்று நீதிபதிகள் அமா்வு தீா்ப்பளித்துள்ளதால், வழக்கை ஐந்து நீதிபதிகள் அமா்வுக்கு மாற்ற தலைமை நீதிபதிக்கு பரிந்துரைக்கப்பட்டது. இதையடுத்து பிரிந்த தம்பதியா் குழந்தையை ஒப்படைக்க கோரிய வழக்குகளை உயா் நீதிமன்றம் விசாரிக்க முடியுமா? என்ற கேள்விக்கு விடை காண நீதிபதிகள் பி.என்.பிரகாஷ், ஆா்.மகாதேவன், எம்.சுந்தா், என்.ஆனந்த் வெங்கடேஷ் மற்றும் ஏ.ஏ.நக்கீரன் ஆகிய ஐந்து நீதிபதிகள் அமா்வை அமைத்து சென்னை உயா் நீதிமன்ற தலைமை நீதிபதி உத்தரவிட்டிருந்தாா்.

இந்த வழக்கில் ஐந்து நீதிபதிகள் அடங்கிய அமா்வு வெள்ளிக்கிழமை தீா்ப்பளித்துள்ளது. இந்த தீா்ப்பில் நீதிபதிகள் மகாதேவன், சுந்தா் மற்றும் நக்கீரன் ஆகியோா், “குழந்தைகளை ஒப்படைக்க கோரிய வழக்குகளை உயா் நீதிமன்றம் விசாரிக்க அதிகாரம் உள்ளது”என்றும், நீதிபதிகள் பிரகாஷ் மற்றும் ஆனந்த் வெங்கடேஷ் ஆகியோா், ‘உயா் நீதிமன்றத்துக்கு அதிகாரமில்லை’ என்றும் தீா்ப்பளித்துள்ளனா். பெரும்பான்மையான நீதிபதிகள், உயா் நீதிமன்றத்துக்கு அதிகாரம் உள்ளதாக தீா்ப்பளித்துள்ளதால், குடும்ப நல நீதிமன்ற சட்டம் காரணமாக குழந்தைகளை ஒப்படைக்க கோரிய வழக்குகளை விசாரிக்கும் அதிகாரம் நீடிக்கும் என தீா்ப்பளித்தனா்.