உலகக் கோப்பையை இந்தியா வெல்லும்: ரஜினிகாந்த்

நடப்பு உலகக் கோப்பை தொடரை இந்தியா நிச்சயம் வெல்லும் என நடிகர் ரஜினிகாந்த் உறுதிபடத் தெரிவித்துள்ளார். 

உலகக் கோப்பை கிரிக்கெட் போட்டிக்கான அரையிறுதி மும்பை வான்கடே மைதானத்தில் புதன்கிழமை நடைபெற்றது. இதில் இந்தியா - நியூசிலாந்து அணிகள் மோதின. இந்த போட்டியை தனது மனைவி லதா ரஜினிகாந்துடன் நேரில் பார்த்த பிறகு விமானம் மூலம் வியாழக்கிழமை (நவ. 16) நடிகர் ரஜினிகாந்த் சென்னை திரும்பினார்.

அப்போது விமான நிலையத்தில் செய்தியாளர்களை சந்தித்த நடிகர் ரஜினிகாந்த், உலகக் கோப்பை கிரிக்கெட் இறுதிப்போட்டியில் இந்தியா நிச்சயம் வெற்றி பெறும். இந்திய வேகப்பந்து வீச்சாளர் முகமது ஷமியால்தான் அரையிறுதியில் இந்தியா வென்று இறுதிப்போட்டிக்கு நுழைந்தது எனக் குறிப்பிட்டார்.