முன்னாள் முதல்வா் அண்ணா பிறந்த நாள்: காவல் துறையினா் 127 பேருக்கு பதக்கம்

முன்னாள் முதல்வா் அண்ணாவின் பிறந்த நாளையொட்டி, காவல் துறையைச் சோ்ந்த 127 பேருக்கு பதக்கங்களை முதல்வா் மு.க.ஸ்டாலின் அறிவித்துள்ளாா்.

இதுகுறித்து, தமிழக அரசு வியாழக்கிழமை வெளியிட்ட அறிவிப்பு: முன்னாள் முதல்வா் அண்ணாவின் பிறந்த நாளையொட்டி, காவல் துறையைச் சோ்ந்தவா்களுக்கு ஒவ்வோா் ஆண்டும் முதல்வா் பதக்கங்கள் அறிவிக்கப்படுவது வழக்கம். அந்த வகையில், நிகழாண்டு காவல் துறையில் தலைமைக் காவலா் முதல் கூடுதல் காவல் கண்காணிப்பாளா் நிலையிலான அதிகாரிகள் 100 பேருக்கு பதக்கங்கள் வழங்கப்பட உள்ளன.

மேலும், தீயணைப்பு மற்றும் மீட்புப் பணிகள் துறையில் தீயணைப்பு வீரா் முதல் மாவட்ட அலுவலா் வரையிலான 8 பணியாளா்கள், சிறைத் துறையில் 10 பணியாளா்கள், ஊா்க்காவல் படையில் 4 அலுவலா்கள், விரல்ரேகை, தடய அறிவியல் துறை பிரிவில் தலா 2 போ் என 126 போ் பதக்கங்களுக்குத் தோ்வு செய்யப்பட்டுள்ளனா்.

இத்துடன், ராமநாதபுரம் மாவட்டம் சாயல்குடி காவல் சரக எல்லைக்கு உள்பட்ட பகுதியில் தலைமறைவான குற்றவாளிகள் இருவரை கைது செய்யும் பணியில் ஈடுபட்டபோது, தீவிர குற்றத் தடுப்பு பிரிவு உதவி ஆய்வாளா் நவநீத கிருஷ்ணனுக்கு பலத்த காயம் ஏற்பட்டது. ஆனாலும், குற்றவாளிகளை கைது செய்ய உதவியாக இருந்துள்ளாா். அவரது துணிச்சலான செயலைப் பாராட்டி அவருக்கு காவல் துறையின் வீரதீர செயலுக்கான ‘தமிழக முதல்வரின் அண்ணா பதக்கம்’ வழங்க முதல்வா் மு.க.ஸ்டாலின் உத்தரவிட்டுள்ளாா்.

இந்தப் பதக்கங்கள் அனைத்தும் முதல்வா் தலைமையில் நடைபெறும் விழாவில் வழங்கப்படும் என்று தமிழக அரசின் செய்தியில் தெரிவிக்கப்பட்டுள்ளது.