சென்னையில் ஆபரணத் தங்கம் தொடர்ந்து ஐந்தாவது நாளாக இன்றும் குறைந்துள்ளது மக்கள் மத்தியில் சற்று ஆறுதலை அளித்துள்ளது.
தங்கம் விலை அவ்வப்போது ஏற்ற இறக்கங்களை கண்டுவருவது தொடர்ந்து நிகழ்ந்து வரும் ஒன்றாக இருந்தாலும், கடந்த இரண்டு மாதமாக தங்கத்தின் விலை ஏற்றம் கண்டு வருகிறது.
இந்நிலையில், பிப்ரவரி 17-ம் தேதி காலை நிலவரப்படி இன்றும் சற்று குறைந்துள்ளது.
அதன்படி 22 கேரட் ஆபரணத் தங்கத்தின் விலை கிராமுக்கு ரூ.30 குறைந்து ஒரு கிராம் தங்கம் ரூ.5,250ஆக விற்பனை செய்யப்படுகிறது. இதன்மூலம் சவரனுக்கு ரூ.240 குறைந்து ஒரு சவரன் ரூ.42,000-க்கு விற்பனை செய்யப்படுகிறது.
அதேசமயம், வெள்ளியின் விலையும் இன்று சற்று குறைந்துள்ளது. கிராமுக்கு 60 காசுகள் குறைந்து ஒரு கிராம் ரூ.71.20 ஆகவும், ஒரு கிலோ ரூ.600 குறைந்து ரூ.71,200 ஆக விற்பனை செய்யப்படுகிறது.