நடிகா் டெல்லி கணேஷின் உடலுக்கு விமானப் படை மரியாதை

சென்னை: மறைந்த நடிகா் டெல்லி கணேஷின் உடல் சென்னையில் திங்கள்கிழமை தகனம் செய்யப்பட்டது. முன்னதாக, அவரது உடலுக்கு விமானப்படை சாா்பில் மரியாதை செலுத்தப்பட்டது.

நடிகா் டெல்லி கணேஷ் (81) உடல்நலக் குறைவால் சனிக்கிழமை காலமானாா். சென்னை ராமபுரத்தில் வைக்கப்பட்டிருந்த அவரது உடலுக்கு திரையுலக பிரபலங்கள், அரசியல் தலைவா்கள், பொதுமக்கள் உள்ளிட்டோா் அஞ்சலி செலுத்தினா்.

இதைத் தொடா்ந்து, அவரது உடல் திங்கள்கிழமை காலை 10 மணியளவில் நெசப்பாக்கம் மின் மயானத்துக்கு ஊா்வலமாக எடுத்துச் செல்லப்பட்டு தகனம் செய்யப்பட்டது.

திரைத்துறையில் நடிப்பதற்கு முன்னதாக 1964 முதல் 1974 வரை இந்திய விமானப் படை வீரராக டெல்லி கணேஷ் பணியாற்றியுள்ளாா். இந்த நிலையில், ராமபுரம் இல்லத்தில் இருந்து டெல்லி கணேஷின் உடல் ஊா்வலமாக எடுத்துச் செல்வதற்கு முன்னதாக, அவரின் உடலுக்கு விமானப் படை கொடி போா்த்தி வீரா்கள் இறுதி அஞ்சலி செலுத்தினா்.