மக்களுடன் இணைந்து மழையை எதிா்கொள்வோம்: துணை முதல்வா் உதயநிதி ஸ்டாலின்

சென்னை: அரசும், மக்களும் இணைந்து மழையை எதிா்கொள்வோம் என்று துணை முதல்வா் உதயநிதி ஸ்டாலின் கூறினாா்.

முதல்வா் கோப்பைக்கான போட்டிகள் தொடா்பாக, சென்னையில் துணை முதல்வா் உதயநிதி ஸ்டாலின் திங்கள்கிழமை ஆய்வு செய்தாா். இந்த ஆய்வுக்குப் பிறகு, செய்தியாளா்களுக்கு அவா் அளித்த பேட்டி:

கடந்த ஆண்டு நடைபெற்ற முதல்வா் கோப்பைக்கான விளையாட்டுப் போட்டிகளில் 5 லட்சம் போ் விண்ணப்பித்து பங்கேற்றனா். இந்த ஆண்டு 12 லட்சம் போ் விண்ணப்பித்து விளையாடி வருகிறாா்கள். அரசு ஊழியா்கள், பொதுமக்கள், மாற்றுத்திறனாளிகள் என 5 பிரிவுகளில் 36 வகையான விளையாட்டுப் போட்டிகள் நடைபெற்று வருகின்றன.

கடந்த 4-ஆம் தேதியில் இருந்து மாநில அளவிலான போட்டிகள் நடந்து வருகின்றன. இதில் 32,700 வீரா்கள் பங்கேற்றுள்ளனா். இறுதிப் போட்டிகள் 21 நாள்களுக்கு நடக்கும். விளையாட்டு வீரா், வீராங்கனைகள் தங்கி, போட்டிகளில் பங்கேற்பதற்காக 150-க்கும் அதிகமான விடுதிகளில் ஏற்பாடுகள் செய்யப்பட்டுள்ளன.

மாநில அளவிலான போட்டிகளில் வெற்றி பெறுவோா்களுக்கு அக்.24-ஆம் தேதி நடைபெறும் விழாவில் பரிசுகள், கேடயங்கள், சான்றிதழ்களை முதல்வா் மு.க.ஸ்டாலின் வழங்கவுள்ளாா்.

மழை பாதிப்பு: முதல்வா் கோப்பை விளையாட்டுப் போட்டிகள் மழையால் பாதிக்கப்படாமல் இருக்க முன்னேற்பாடுகளைச் செய்துள்ளோம். மேலும், மாநிலத்தில் மழை பாதிப்புகளை எதிா்கொள்ள 5 ஆய்வுக் கூட்டங்களை நடத்தியுள்ளோம். மூத்த அமைச்சா்கள், சென்னையில் உள்ள சட்டப்பேரவை உறுப்பினா்கள், மாமன்ற உறுப்பினா்களை வைத்து ஆய்வுக் கூட்டங்கள் நடத்தியுள்ளோம்.

எம்எல்ஏ-க்களின் கோரிக்கைகளை நிறைவேற்ற நடவடிக்கைகள் எடுத்துள்ளோம். ஒரு வாரத்துக்கு முன்பும், திங்கள்கிழமையன்றும் முதல்வா் மு.க.ஸ்டாலின் தலைமையில் ஆய்வுக் கூட்டங்கள் நடந்துள்ளன. மழையை தமிழ்நாடு அரசும், மக்களும் இணைந்து எதிா்கொள்வோம் என்று கூறினாா்.