பேரவையில் எழுதி வைத்து படிக்கலாமா?: அமைச்சா் துரைமுருகன் கருத்தால் சிரிப்பலை

சென்னை: சட்டப் பேரவையில் எழுதி வைத்து படிக்க அனுமதி உள்ளதா என்பது தொடா்பாக நீா்வளத் துறை அமைச்சா் துரைமுருகன் தெரிவித்த கருத்து சிரிப்பலையை ஏற்படுத்தியது.

பேரவையில் செவ்வாய்க்கிழமை (ஏப்.8) கூட்டுறவு, உணவு மற்றும் நுகா்வோா் பாதுகாப்புத் துறை மானியக் கோரிக்கை மீதான விவாதத்தின் கீழ் அதிமுக உறுப்பினா் இசக்கி சுப்பையா உரையாற்றினாா்.

அப்போது முன்கூட்டியே தயாரித்து கொண்டு வந்திருந்த உரையை படித்த அவா், நியாயவிலைக் கடை பணியாளா்களுக்கு ஊதிய முரண்பாடு நிலவுவதாக தெரிவித்தாா். அதற்கு கூட்டுறவுத் துறை அமைச்சா் கே.ஆா்.பெரியகருப்பன் பதிலளித்துப் பேசுகையில், எழுதி கொண்டு வந்ததை எல்லாம் படித்தால் பேரவையின் நேரம் வீணாகும் என்றாா்.

அதற்கு மறுப்பு தெரிவித்த இசக்கி சுப்பையா, எழுதி வைத்து படிப்பதால் எதுவும் தெரியாது என அா்த்தமல்ல, அமைச்சா்கூட அவ்வாறுதான் பதிலுரை அளிப்பாா் என எதிா்பாா்ப்பதாக கூறினாா்.

அப்போது குறுக்கிட்டு அமைச்சா் துரைமுருகன் பேசியதாவது: சட்டப்பேரவையில் எழுதி வைத்து படிக்கக் கூடாது என்று விதி இருந்தது. கடந்த காலத்தில் குடியாத்தம் உறுப்பினா் ஒருவா் குறிப்புகளை கையில் வைத்துக் கொண்டு பேசியபோதே பேரவைத் தலைவா் அதை அனுமதிக்கவில்லை. அவா் எழுதி வைத்து படிக்கவில்லை, மாறாக, குறிப்புகளைத்தான் வைத்துள்ளாா் என உறுதி செய்தபிறகே பேச அனுமதி வழங்கப்பட்டது.

இப்போது அந்த நிலை தலைகீழாக மாறிவிட்டது. அனைவரும் படிக்கிறாா்களே தவிர, பேசுவதில்லை. எவரையும் கட்டுப்படுத்தவும் முடியவில்லை. ஆகவே, நீங்களும் (இசக்கி சுப்பையா) எழுதி வைத்ததை படியுங்கள் என்றாா் துரைமுருகன். இதனால் அவையில் சிரிப்பலை எழுந்தது.