பாஜக கூட்டணிக்கு செல்ல மாட்டேன்: திருமாவளவன்

பாஜக கூட்டணிக்கு செல்லமாட்டேன் என விடுதலைச் சிறுத்தைகள் கட்சியின் தலைவா் தொல்.திருமாவளவன் தெரிவித்தாா்.

இது குறித்து அவா் சென்னையில் புதன்கிழமை செய்தியாளா்களிடம் கூறியதாவது:

பாஜகவில் எனக்கு நண்பா்கள் பலா் உள்ளனா். நட்பு வேறு, உள்வாங்கிய கொள்கை வேறு. பாஜகவுக்கு அவா்களது கொள்கை எவ்வளவு முக்கியமோ அதுபோல் எங்கள் கொள்கை எங்களுக்கு முக்கியம். பாஜகவின் கொள்கைகள், அம்பேத்கரின் கொள்கைகளுக்கு நோ்முரணானது. ஆகவே, பாஜக கூட்டணிக்குச் செல்லமாட்டேன்.

திமுக கூட்டணியில் இருப்பதற்காக பாஜகவை எதிா்க்கவில்லை. கூட்டணியில் இருந்தாலும், இல்லை என்றாலும் பாஜகவை எதிா்ப்போம். அதற்கு தனிப்பட்ட தோ்தல் அரசியல் காரணம் கிடையாது. மதச்சாா்பின்மை, சமத்துவம் ஆகிய கொள்கைகளுக்கு நோ் எதிரான கட்சி பாஜக என்பதுதான்.

அதிமுக வலுவாக இருக்கும்போதே, கூட்டணி ஆட்சி என்று மத்திய உள்துறை அமைச்சா் அமித்ஷா சொல்கிறாா் என்றால், அதிமுகவை எந்த அளவுக்கு பலவீனமாகக் கருதுகிறாா்கள் என்பதை சொல்லும் என்னை விமா்சிக்கிறாா்கள். அதுதான் அதிமுகவின் அணுகுமுறையாகவும் இருக்கிறது என்றாா் தொல்.திருமாவளவன்.