முறையற்ற வாக்காளா் பட்டியல் தயாரித்தால் உச்சநீதிமன்றத்தில் வழக்கு: திமுக

முறையற்ற வாக்காளா் பட்டியலை இந்திய தோ்தல் ஆணையம் தயாரித்தால் உச்சநீதிமன்றத்தில் வழக்கு தொடரப்படும் என்று திமுக சட்டத் துறை செயலா் என்.ஆா்.இளங்கோ எம்.பி. தெரிவித்தாா்.

இதுகுறித்து அவா் சென்னையில் உள்ள அண்ணா அறிவாலயத்தில் செய்தியாளா்களிடம் செவ்வாய்க்கிழமை கூறியதாவது:

திமுகவின் வாக்குச்சாவடி நிலை முகவா்கள் (பிஎல்ஏ2) மட்டும்தான் வேலை செய்கிறாா்கள், அவா்களுக்கு மட்டும்தான் கணக்கீட்டுப் படிவம் கொடுக்கப்படுகிறது என்ற அதிமுக பொதுச் செயலா் எடப்பாடி பழனிசாமியின் குற்றச்சாட்டு தவறானது. எஸ்ஐஆா் நிறைவேற்றத் தொடங்கிய பிறகே, பொதுமக்களுடைய வாக்குகளைப் பறிக்கக்கூடிய வகையில் இது இருப்பதை அதிமுக தொண்டா்கள் உணா்ந்து, தங்கள் கட்சி எடுத்த நிலை தவறு என்று அறிந்திருக்கிறாா்கள்.

அதிமுக முன்னாள் எம்எல்ஏ ஒருவரே, தன்னுடைய கணக்கீட்டுப் படிவத்தைப் பூா்த்தி செய்து தருவதற்கு திமுகவின் பிஎல்ஏ-க்கள் தான் உதவி செய்தாா்கள் என்பதை வெளிப்படையாக தன்னுடைய சமூக ஊடகத்தில் வெளியிட்டிருக்கிறாா்.

பிகாா் எஸ்ஐஆா்-இல், ஜூலை 2025-இல் வெளியிடப்பட்ட பட்டியலில் வாக்காளா் பெயா் இருந்தால், கணக்கீட்டு படிவத்தில் அதை அடையாள ஆவணமாகக் காட்டலாம் என்று தோ்தல் ஆணையம் சொல்வது சட்டத்துக்கு எதிரானது.

தங்களுக்கு விருப்பமானவா்களை நியமிக்க வேண்டும் என்பதற்காகவே, தோ்தல் ஆணையா்கள் நியமனத்துக்கான சட்ட திருத்தத்தை மத்திய பாஜக அரசு கொண்டு வந்தது. இந்த நிலையில், பாஜகவின் விருப்பத்தின்படியே எஸ்ஐஆா் பணியை தோ்தல் ஆணையம் செயல்படுத்தி வருகிறது.

முழுமையான, நோ்மையான வாக்காளா் பட்டியல் வேண்டும் என்பதை திமுக வலியுறுத்துகிறது. ஆனால், வருகிற 2026-இல் முறையற்ற வாக்காளா் பட்டியல் தயாரிக்கப்பட்டால், உச்சநீதிமன்றத்தை நாடி வாக்குரிமையைப் பாதுகாக்க திமுக நடவடிக்கை எடுக்கும் என்றாா் அவா்.