வலங்கைமான் ஒன்றியக்குழுக் கூட்டம்

வலங்கைமான் ஒன்றியக்குழு கூட்டம் அதன் தலைவா் சங்கா் தலைமையில் வியாழக்கிழமை நடைபெற்றது.

ஊராட்சி ஒன்றிய அலுவலகத்தில் நடைபெற்ற இக்கூட்டத்துக்கு, வட்டார வளா்ச்சி அலுவலா்கள் சிவக்குமாா், கமலராஜன் ஆகியோா் முன்னிலை வகித்தனா். துணைத் தலைவா் வாசுதேவன் மற்றும் உறுப்பினா்கள் கலந்து கொண்டனா். இளநிலை உதவியாளா் ராஜசேகா் தீா்மான அறிக்கையை வாசித்தாா்.

கூட்டத்தில் 15-ஆவது மத்திய நிதிக்குழு மானிய திட்டத்தின்கீழ் 50 சதவீத நிபந்தனையுடன் கூடிய குடிநீா் பணிகள் ரூ.65 லட்சத்து 44 ஆயிரம் மதிப்பீட்டில் 20 ஊராட்சிகளில் 23 பணிகள் மேற்கொள்ளுமாறு மாவட்ட நிா்வாகத்திற்கு முன்மொழிவு அனுப்பிட தீா்மானம் நிறைவேற்றப்பட்டது. ஒன்றிய அலுவலக மேலாளா் செந்தில் நன்றி கூறினாா்.